گوگل نیوز پر ہمیں فالو کریںمظفر آباد: آزاد کشمیر کے صدر سردار مسعود خان نے کہا ہے کہ بھارت میں اسلاموفوبیا جنگل کی آگ کی طرح پھیل رہا ہے۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ ہمسایہ ملک بھارت میں اسلام دشمنی جنگل کی آگ کی طرح پھیل رہی ہے۔ مسلمانوں کو ستایا جارہا ہے اور تباہ و برباد کیا جارہا ہے۔
پیغام میں صدرِ آزاد کشمیر سردار مسعود خان نے کہا کہ سوشل میڈیا پر اسلامو فوبیا وباء کی طرح پھیل رہا ہے جہاں مسلمانوں کو نفرت انگیز تحریر و تقریر کا نشانہ بنایا جاتا ہے۔ مسلمانوں کو کورونا وائرس کے پھیلاؤ کا ذمہ دار قرار دینے کیلئے جعلی ویڈیوز بنا کر انہیں وائرل کیا جاتا ہے۔
Just so you know #Islamophobia spreading like wild fire in India. Muslims being trolled,persecuted and hounded by a social media pandemic. Deliberately targeted by hate speech, Muslims are being blamed for the spread of #Coronavirus.Fake videos being made viral to demonise them.
— Masood Khan (@Masood__Khan) April 5, 2020
آزاد کشمیر کے صدر مسعود خان نے کہا کہ ہم سمجھ سکتے ہیں کہ بین الاقوامی قیادت اِس وقت کورونا وائرس جیسی عالمی وباء کا مقابلہ کرنے میں مصروف ہے جو درست بھی ہے، تاہم بھارت کے انسانیت کے خلاف تازہ ترین جرم پر بھی نظر ڈالنا ضروری ہے۔
صدر سردار مسعود خان نے کہا کہ بھارت نے جموں و کشمیر میں غیر قانونی ڈومیسائل قوانین نافذ کرکے انسانیت کے خلاف گھناؤنے جرم کا ارتکاب کیا جو عالمی منظر نامے پر ذمہ دارانہ قیادت کے اصولوں سےسنجیدہ تضاد ہے۔
We understand that the world leadership is rightly focused on combating #coronavirus pandemic, but failure to call out India’s latest crime against humanity in the form of illegal domicile rules in #IOJK is a serious dereliction of responsibility.
— Masood Khan (@Masood__Khan) April 5, 2020
