آزادی مارچ کے پیش نظر اسلام آباد کے تمام پرائیویٹ اسکول کل بند رکھنے کا فیصلہ

اسلام آباد:جے یو آئی ف کے آزادی مارچ کے پیش نظر اسلام آباد کے تمام پرائیویٹ اسکول جمعرات کو بند رکھنے کا فیصلہ کیا گیا ہے۔

تفصیلات کے مطابق آزادی مارچ کے شرکاءجمعرات کو اسلام آباد پہنچیں گے جس کے باعث وفاقی دارالحکومت کے نجی اسکولوں کو بند رکھنے کا فیصلہ کیا گیا ۔

سیکریٹری پرائیویٹ اسکولز ایسوسی ایشن عبدالوحید کا کہنا ہے کہ دھرنے کے پیش نظر اسلام آباد کے تمام پرائیویٹ اسکول جمعرات کو بند رہیں گے،عبدالوحید خان نے کہا کہ دھرنے کے باعث بچوں کی حفاظت کے لیے اسکولوں میں چھٹی کا فیصلہ کیا گیا۔

صدر پرائیویٹ اسکولز زعفران الہٰی نے کہا کہ اسلام آباد میں اسکول کھولنے کا فیصلہ کل شام کے بعد کیا جائے گا۔انہوں نے کہا کہ حالات دیکھ کر فیصلہ کریں گے اسلام آباد میں اسکول کب سے کھولنے ہیں۔