گوگل نیوز پر ہمیں فالو کریںاسلام آباد: وفاقی وزیر خزانہ اسحاق ڈار نے ان خبروں کو بے بنیاد قرار دیتے ہوئے مسترد کر دیا ہے جن میں دعویٰ کیا گیا تھا کہ آئل اینڈ گیس ریگولیٹری اتھارٹی (اوگرا) نے تازہ ترین پندرہ روزہ اپ ڈیٹ میں پٹرولیم مصنوعات کی قیمتوں میں کمی کی سفارش کی تھی۔
منگل کو ٹوئٹ کرتے ہوئے اسحاق ڈار نے کہا کہ ”پریس اور الیکٹرانک میڈیا میں کچھ رپورٹس گردش کر رہی ہیں کہ اوگرا نے یکم مئی 2023 سے موٹر اسپرٹ/پیٹرول کی قیمتوں میں کمی کے لیے حکومت کو سفارشات کی ہیں، جو کہ بے بنیاد اور غلط ہیں۔”
Clarification!
Some reports have been circulating in the press and electronic media stating that OGRA made recommendation to the Government for reduction in the price of Motor Spirit/Petrol with effect from Ist May 2023, which are baseless and untrue.
— Ishaq Dar (@MIshaqDar50) May 2, 2023
اسحاق ڈار نے کہا کہ حکومت نے آئندہ دو ہفتوں کے لیے پیٹرول کی قیمت 282 روپے فی لیٹر برقرار رکھنے کا انتخاب کیا ہے جبکہ ہائی اسپیڈ ڈیزل (ایچ ایس ڈی) کی قیمت میں 5 روپے فی لیٹر کمی کی ہے۔
اسحاق ڈار نے ایک مختصر ویڈیو تقریر میں یہ بھی دعویٰ کیا کہ لائٹ اسپیڈ ڈیزل اور مٹی کے تیل کی قیمت اب 10 روپے فی لیٹر کم ہے۔
مزید پڑھیں:حکومت نے ایل پی جی کی قیمتوں میں ایک بار پھر اضافہ کردیا
قیمتوں پر نظرثانی سے قبل، اوگرا، ریگولیٹر، اپنی سفارشات وزیراعظم کو بھیجتا ہے جو حتمی اعلان کرنے سے پہلے تبدیلیوں کا جائزہ لیتا ہے۔
