گوگل نیوز پر ہمیں فالو کریںکراچی : اے آر وائے نیوز کے اینکر پرسن اقرار الحسن نے صوبائی وزیر اور پیپلزپارٹی کراچی کے صدر سعید غنی کے حلقے میں اسکول میں گدھے باندھنے کا دعویٰ سچ ثابت کردیا ۔
اے آر وائے نیوز کے اینکر پرسن اقرار الحسن کی جانب سے مسائل کی نشاندہی کرنے پر صوبائی وزیر سعید غنی اور ان کے حامیوں نے نجی ٹی وی چینل کیخلاف سوشل میڈیا پر محاذ کھول دیا تھا۔
اے آر وائے نیوز کے اینکر پرسن اقرار الحسن نے سعید غنی کے حلقے میں اسکول میں گدھے باندھنے اور دیگر مسائل اجاگر کئے تھے جس پر پیپلزپارٹی نے شدید ناراضگی کا اظہار کیا تھا ۔
اینکر پرسن اقرار الحسن نے ٹوئٹر پر ایک ویڈیو شیئر کی ہے جس میں پولیس کی مدد سے اسکول میں بندھے گدھوں کو نکالا جارہا ہے۔
مزید پڑھیں: سعید غنی نے اے آر وائے ٹی وی کو بے نقاب کرنیکا اعلان کردیا
اے آر وائے نیوز کے اینکر پرسن اقرار الحسن کا کہنا ہے کہ ویسے خدا کی قسم کیا مذاق ہے اس بے چاری قوم کے ساتھ۔۔ میرے ساتھ اپنے حلقے میں چلنے کی ہمت تو نہیں ہوئی سعید غنی صاحب کو۔
البتہ راتوں رات پولیس موبائلز کے ذریعے اپنے حلقے کے اسکولوں سے گدھے نکلوا دئیے ہیں۔ اللہ شرم کرنے اور عوام کی خدمت کی توفیق دے۔
ہاہاہاہاہاہاہا۔۔۔ ویسے خدا کی قسم کیا مذاق ہے اس بے چاری قوم کے ساتھ۔۔ میرے ساتھ اپنے حلقے میں چلنے کی ہمت تو نہیں ہوئی سعید غنی صاحب کو۔ البتہ راتوں رات پولیس موبائلز کے ذریعے اپنے حلقے کے اسکولوں سے گدھے نکلوا دئیے ہیں۔ اللہ شرم کرنے اور عوام کی خدمت کی توفیق دے @SaeedGhani1 pic.twitter.com/1M0t2Fiieq
— Iqrar ul Hassan Syed (@iqrarulhassan) May 9, 2020
