گوگل نیوز پر ہمیں فالو کریںپاکستان کی مشہور و معروف اداکارہ اقرا عزیز نے شادی کی تیسری سالگرہ کے موقع پر شوہر یاسر حسین کے ہمراہ سوشل میڈیا پر رومانوی ویڈیو شیئر کردی۔
معروف اداکار وہدایت کار یاسر حسین اور اداکارہ اقرا عزیز کی شادی کی آج تیسری سالگرہ ہے۔ اس موقع پر دونوں نے سوشل میڈیا پر پیغامات شیئر کیے ہیں۔
یاسر حسین نے شادی کی سالگرہ کے موقع پر اقرا عزیز کے ہمراہ تصویر شیئر کرتے ہوئے لکھا کہ 20 منٹ کے بعد ہماری شادی کو 3 سال ہوجائینگے، اتنا وقت کیسے گزرگیا پتہ نہیں چلا، 3 سال 3 منٹ کی طرح گزر گئے۔
View this post on Instagram
دوسری جانب اقرا عزیز نے اپنے آفیشل انسٹاگرام اکاؤنٹ پر یاسر حسین کے ہمراہ ایک ویڈیو شیئر کرتے ہوئے لکھا کہ ایک دوسرے کے ساتھ رہتے تھے تین سال ہوگئے، اس کے ساتھ ہی انہوں نے ایک شعر بھی لکھا ’تم سا کوئی پیارا کوئی معصوم نہیں ہے، کیا چیز ہو تم خود تمہیں معلوم نہیں ہے۔‘
View this post on Instagram
تاہم سوشل میڈیا پر شیئر کی گئی اُن کی اس ویڈیو کو صارفین سخت ناپسند کررہے ہیں اور اکثریت کی جانب سے ویڈیو پر تنقید بھی کی جارہی ہے۔
واضح رہے کہ یاسر حسین اور اقرا عزیز 28 دسمبر 2019 کو شادی کے بندھن میں بندھے تھے اور جولائی 2021 میں اُن کے گھر میں ایک بیٹے کی ولادت ہوئی جس کا نام انہوں نے کبیر رکھا۔
