اقراء عزیز اور یاسر حسین بیٹے کے والدین بن گئے

کراچی:پاکستان شوبز انڈسٹری کی معروف اداکارہ اقراء عزیز نے بیٹے کو جنم دیدیا جس کے بعد اقراء عزیز اور یاسر حسین بیٹے کے والدین بن گئے۔

اقرا ء عزیز کی بہن نے ایک ٹویٹ کے ذریعے بتایا کہ وہ خالہ بن گئی ہیں، اس سے قبل سدرہ عزیز نے مداحوں سے دعاؤں کی اپیل کی تھی۔

View this post on Instagram

A post shared by Yasir Hussain (@yasir.hussain131)

واضح رہے کہ مئی میں اقراء عزیز اور یاسر حسین نے اعلان کیا تھا کہ وہ جولائی کے مہینے میں اپنے پہلے بچے کا استقبال کریں گے اور آج اقرا عزیز کی بہن سدرہ عزیز نے ٹویٹ کیا تھااور درخواست کی تھی کہ ان کے اہل خانہ کے لئے دعاء کی جائے۔

Ya Allah tera shukar hai. I am a Khala now. Alhamdulillah. Can’t wait to visit back and have some time with the beautiful baby!!

— Sidra Aziz (@NamkeenJalebi) July 23, 2021

یاسر حسین اور اقرا ء عزیز نے دسمبر 2019 میں شادی کی تھی اور یہ جوڑی اس وقت سب سے مشہور جوڑوں کی فہرست میں شامل ہے۔اقراء عزیز پاکستان کی سب سے ہنر مند اداکاراؤں میں سے ایک ہیں اورکئی بلاک بسٹر منصوبوں میں کام کرچکی ہیں۔

یاسر نے انکشاف کیا کہ شادی کے بعد اقراء کم کام اس لئے کررہی ہیں تاکہ دونوں کو اپنے لئے بھی وقت مل سکے اور دونوں میاں بھی اکٹھے وقت گزار سکیں۔ان کا کہنا ہے کہ میں نے ہی اقراء کو منتخب پراجیکٹس میں کام کا مشورہ دیا تھا اورخوشی ہے کہ انہوں نے اس مشورے پر عمل کیا۔