گوادر میں سرمایہ کاری کو فروغ حاصل ہورہا ہے‘ عبد الرزاق داؤد

اسلام آباد: مشیر تجارت عبد الرزاق داؤد نے کہا ہے کہ گوادر میں سرمایہ کاری کو فروغ حاصل ہورہا ہے اور اس کے نتیجے میں سرمایہ کاری آنا شروع ہوگئی ہے اور امید کرتے ہیں کہ اس کے خاطر خواہ نتائج بر آمد ہوں گے۔

سی پیک سے متعلق سیمینار سے خطاب کرتے ہوئے عبد الرزاق داؤد نے کہاکہ حکومت نے معیشت میں استحکام موثر اقدامات کئے ہیں‘ پیٹرولیم مصنوعات میں کمی سے ہمارا کرنٹ اکاؤنٹ خسارہ کم ہوگا‘

ہم امید کرتے ہے کہ کورونا وائرس سے پاکستان کی جانب سے چین کو کی جانے والی ہماری برآمدات متاثر نہیں ہوں گی۔

فروری کے مہینے میں برآمدات میں 3.6فیصد اضافہ ہوا ہے۔

سی پیک پاکستان کو چین اور وسطی ایشیاء کی منڈیوں تک رسائی دے گا‘ اس موقع پر چینی سفیر نے کہا کہ چائنا پاکستان میں زرعی شعبے کو فروغ دے گا‘ تعلیم اور صحت سمیت مختلف شعبوں میں 17منصوبوں پر کام کررہے ہیں‘ انہوں نے کہا کہ چائنا اور پاکستان کا رشتہ بہت مضبوط ہے۔

ٹیکنالوجی کو اپ گریڈ کریں گے اور اب پاکستان ترقی معاشی ترقی کی راہ پر گامزن ہے۔