گوگل نیوز پر ہمیں فالو کریںنیو یارک: فرانسیسی صدر ایمانول میکرون نے پاکستانی سیلاب زدگان کی امداد کیلئے عالمی کانفرنس رواں برس بلانے کا فیصلہ کیا ہے جس کا مقصد متاثرین کی بحالی اور تباہ شدہ انفرا اسٹرکچر کی تعمیرِ نو پر کام کرنا ہے۔
تفصیلات کے مطابق وزیر اعظم شہباز شریف اور فرانسیسی صدر ایمانویل میکرون کے مابین گزشتہ روز ملاقات ہوئی جس میں سیلاب سے تباہ حال پاکستانی معیشت کی بحالی کیلئے اقدامات کا فیصلہ سامنے آیا۔
زائرین حرم کیلئے خوشخبری، لمحوں میں ویزا پراسس ممکن
فرانسیسی صدر اور وزیر اعظم شہباز شریف کی ملاقات کے بعد باضابطہ اعلامیہ جاری کردیا گیا۔ فرانسیسی صدر کا وزیر اعظم سے ملاقات کے دوران کہنا تھا کہ سیلاب متاثرین کی بحالی کیلئے عالمی کانفرنس منعقد کریں گے۔
ملاقات کے دوران فرانسیسی صدر نے کہا کہ عالمی کانفرنس کا مقصد سیلاب زدہ علاقوں کی تعمیرِ نو ہے۔ اس کے علاوہ فنانشل اور ڈویلپمنٹل شراکت داروں کو جمع کرکے ایسا اسٹرکچر تیار کیا جائے گا جو ماحولیاتی تبدیلیوں سے نمٹ سکے۔
صدر ایمانویل میکرون نے کہا کہ نئے اسٹرکچر کی مدد سے پاکستان مستقبل میں قابلِ تجدید توانائی کی طرف منتقلی ممکن بنا سکے گا۔ ملاقات کے دوران پاک فرانس تعلقات، دو طرفہ تعاون اور باہمی دلچسپی کے امور پر بھی تبادلۂ خیال کیا گیا۔
