انسٹاگرام نے صارفین کی سہولت کیلئے اہم فیچر متعارف کروادیا

نوجوانوں میں مقبول فوٹو اینڈ ویڈیو شیئرنگ ایپلی کیشن انسٹاگرام نے نیا فیچر متعارف کرادیا۔

تفصیلات کے مطابق انسٹاگرام کی مالک کمپنی میٹا نے اعلان کیا ہے کہ جلد ہی ویڈیو شیئرنگ ایپلی کیشن پر ریلیز یعنی مختصر ویڈیوز بنانے کے لیے تصاویر کو ریمکس کرنے کا فیچر بھی متعارف کرایا جائے گا۔

اِس فیچر کے تحت صارفین ریلز بنانے کے لیے اپنی تصاویر کو بھی ویڈیوز کی طرح استعمال کرسکیں گے۔

مذکورہ فیچر کیلئے صارفین کو انسٹاگرام پر شیئر کردہ اپنی تصاویر کو ڈاؤن لوڈ کرنے کی ضرورت نہیں پڑے گی بلکہ فیچر کے تحت وہ صرف منتخب تصویر کو سلیکٹ کریں گے اور ان کی تصاویر ریلیز مکسنگ کا حصہ بن جائیں گی۔

یہ بھی پڑھیں:

کروڑوں روپے کا بجلی کا بل دیکھ کر شہری کی طبیعت خراب، صدمے سے اسپتال پہنچ گیا

ایپلی کیشن پر مذکورہ فیچر کو بہتر بنانے کے لیے مختلف ٹیمپلیٹس بھی متعارف کرائے جائیں گے، جس کے ذریعے صارفین اپنی تصاویر کو دوسری ویڈیوز یا تصاویر کے ساتھ ریمکس بھی کرسکیں گے۔

یہی نہیں بلکہ انسٹاگرام پر مزید میوزک اور آڈیو مکسنگ کے فیچرز کے علاوہ انسٹاگرام کیمرا کی کوالٹی کو بھی بہتر بنایا جائے گا۔

رپورٹ کے مطابق انسٹاگرام پر ریلز کے فیچرز کو متعارف کرائے جانے کا مقصد شارٹ ویڈیو ایپلی کیشن ٹک ٹاک کا مقابلہ کرنا ہے، میٹا کی جانب سے نہ صرف انسٹاگرام بلکہ فیس بک پر بھی کئی طرح کے فیچرز متعارف کرائے جارہے ہیں۔