گوگل نیوز پر ہمیں فالو کریںاسلام آباد: انٹرنیشنل مانیٹری فنڈ نے کہا ہے کہ رواں مالی سال کے اختتام تک پاکستان میں مہنگائی میں کمی نہیں آئے گی۔
آئی ایم ایف کی ریجنل اکنامک آؤٹ لک رپورٹ کے مطابق پاکستان میں رواں مالی سال کے اختتام تک افراط زر کی شرح 11 فیصد سے اوپر رہے گی جبکہ ملک کی اقتصادی شرح نمو اس سال 5اعشاریہ 6 فیصد کے مقابلے میں 4 فیصد رہنے کی توقع ہے۔
رپورٹ میں مزید کہا گیا ہے کہ رواں سال مہنگائی کی شرح 11اعشاریہ 1 فیصد رہے گی، مہنگائی اکتوبر 2021 کے اندازے سے 3اعشاریہ 4 فیصد زیادہ ہوگی، عالمی خوراک اور توانائی کی قیمتوں کو مہنگائی کی بڑی وجہ قرار دیا گیا ہے۔
سرکاری اعداد و شمار سے ظاہر ہوتا ہے کہ پاکستان کا کرنٹ اکاؤنٹ خسارہ اس کے مالی سال کے نو مہینوں میں 13اعشاریہ 2 بلین امریکی ڈالر تک پہنچ گیا جو ایک سال قبل تیل کی درآمدی لاگت میں اضافے کی وجہ سے 275 ملین امریکی ڈالر کے فرق سے تھا۔
مزید پڑھیں:پنجاب کے مختلف شہروں میں ڈیزل بحران برقرار، وزیراعظم کا نوٹس
