پاکستان کو بلیک لسٹ کروانے کے بھارتی عزائم خاک میں مل گئے،ڈاکٹرفردوس عاشق اعوان

اسلام آباد :وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ ایف اے ٹی ایف میں پاکستان کو بلیک لسٹ کروانے کے بھارتی مذموم عزائم خاک میں مل گئے ہیں۔

سماجی رابطے کی ویب سائٹ پراپنے پیغام میں انہوں کہا کہ ایف اے ٹی ایف کی منی لانڈرنگ اور دہشت گردی کے خاتمے کیلئے پی ٹی آئی حکومت کے اقدامات کی تعریف ہماری مخلصانہ کاوشوں کا اعتراف ہے۔

پاکستان کو بلیک لسٹ کروانے کے بھارتی مذموم عزائم خاک میں مل گئے۔ایف اے ٹی ایف کی منی لانڈرنگ اور دہشت گردی کے خاتمے کیلئے موجودہ حکومت کے اقدامات کی تعریف ہماری مخلصانہ کاوشوں کا اعتراف ہے۔پاکستان اس ضمن میں مزید مزید اقدامات کرنے کیلئے پرعزم ہے۔

— Firdous Ashiq Awan (@Dr_FirdousPTI) October 20, 2019

انہوں نے کہا کہ بھارت، پاکستان کو ایف اے ٹی ایف میں بلیک لسٹ کروانے کے لیے کوشاں تھا تاہم وزیراعظم عمران خان اپنی مخلصانہ کاوشوں سے پاکستان کا حقیقی مثبت تشخص دنیا کے سامنے لا رہے ہیں۔

فردوس عاشق اعوان کا کہنا تھا کہ قیام پاکستان کی مخالفت کرنے والوں کی اولادیں آج استحکام پاکستان کی منزل کے حصول میں روڑے اٹکا رہی ہیں ۔ان کا کہنا تھا کہ اگلے چند ماہ نہایت اہم ہیں۔

فردوس عاشق اعوان نے سوال اٹھایا کہ ایسی صورتحال میں مولانا فضل الرحمٰن ملیشیا اور جتھوں کے ساتھ دہشت کی علامت بن کر ملک و قوم کے تشخص اور وقار کو کیوں مجروح کرنا چاہتے ہیں۔