گوگل نیوز پر ہمیں فالو کریںرومینٹک گانوں کیلئے معروف انڈین گلوکار ادت نارائن کی لائیو کنسرٹ کے دوران کئی خواتین کی ڈیپ کِسز کی ویڈیوز سوشل میڈیا پر وائرل ہوگئیں، جس کے نتیجے میں صارفین کی جانب سے تنقید کا طوفان اٹھا ہوا ہے۔
سوشل میڈیا پر وائرل ہو رہی ویڈیو میں ادت نارائن کو ‘ٹپ ٹپ برسا پانی’ گاتے ہوئے دیکھا جا سکتا ہے، اس دوران خواتین شائقین گلوکار کے ساتھ سیلفیاں لیتی نظر آ رہی ہیں۔
View this post on Instagram
ادت نارائن گھٹنوں کے بل بیٹھ کر ان کے ساتھ سیلفی لیتے ہیں اور اس کے بعد ان کے ہونٹوں اور گالوں پر بوسہ لیتے ہیں۔ ہجوم کو دیکھ کر سیکورٹی نے شائقین کو اسٹیج کے قریب آنے سے روک دیا، ایک موقع پر اُدت نارائن کو سیکورٹی کو اشارہ کرتے ہوئے دیکھا گیا کہ وہ ایک خاتون مداح کو سیلفی کے لیے اپنے قریب آنے دیں۔
سیلفی کلک کرنے کے بعد خاتون مداح نے ادت کے گال پر بوسہ دیا اور اس کے بعد ادت نارائن نے خاتون مداح کے ہونٹوں پر بوسہ لے لیا جس پر آڈیئنس نے شور مچانا شروع کر دیا، اس کے بعد ادت نارائن ‘ٹپ ٹپ برسا پانی’ کی ایک لائن ‘میرے بس میں نہیں میرا من، میں کیا کروں’ گاتے ہوئے اپنے جذبات کا اظہار کرتے ہیں۔
اس کے بعد اسی طرح کے دو مزید واقعات رونما ہوتے ہیں۔ یہ ویڈیوز سوشل میڈیا پر وائرل ہیں، جس کے حوالے سے صارفین سخت ردعمل دے رہے ہیں۔
