گوگل نیوز پر ہمیں فالو کریںنکانہ صاحب: بھارتی پنجابی فلموں کے معروف گلوکار واداکار گپی گریوال نے پاکستان آمد کے موقع پر پاکستانیوں کی جانب سے بھرپور مہمان نوازی پر شکریہ ادا کیا ہے۔
بھارتی گلوکار،اداکار گپی گریوال ساتھیوں کے ہمراہ نجی دورے پر پاکستان آئے ہیں۔ گزشتہ روز انہوں نے گوردوارہ ننکانہ صاحب حاضری دی۔
اس موقع پر گپی گریوال نے پاکستان آمد اور یہاں کے لوگوں کی مہمان نوازی کے تجربے کو ٹوئٹر پر بھی شیئر کیا اور وزیراعظم عمران خان کا شکریہ ادا کیا۔
Nankana Sahib 🙏🙏🙏#blessed
Big Thanks to @ImranKhanPTI @capt_amarinder @sayedzbukhari @petervirdee 🙏🙏🙏✊✊✊ pic.twitter.com/zrwDMfROYc— Gippy Grewal (@GippyGrewal) January 20, 2020
اپنے ایک ویڈیو پیغام میں اداکار گپی گریوال نے کہا کہ انہیں پاکستان میں ننکانہ صاحب آکر بہت اچھا لگ رہا ہے۔ پاکستان میں جن سے بھی ملا سب بہت اچھے لوگ ہیں بلکہ اپنے بھائیوں کی طرح ہیں۔
گپی گریوال نے ایک انٹرویو کے دوران کہا کہ مجھے پاکستان آئے ہوئے صرف چند گھنٹے ہی ہوئے ہیں لیکن مجھے جو محبت اور عزت یہاں ملی اس کے باعث یہ وقت میرے لیے یادگار بن گیا ہے۔
انہوں نے کہاکہ کرتارپور راہداری کھولنے پر پاکستانی حکومت کو سراہتے ہوئے کہا کہ وہ عمران خان کے بے حد شکرگزار ہیں کیونکہ ان کے اس اقدام سے تمام سکھ کمیونٹی بے حد خوش ہے۔
اداکار گپی گریوال نے کہا کہ ’’پنجاب نہیں جاؤں گی‘‘ ان کی پسندیدہ فلم ہے۔ اس فلم میں انہیں مہوش حیات کا کام بھی بے حد پسند آیا تھا اور اداکارہ مہوش حیات کے ساتھ فلم میں کام کرنا چاہیں گے۔
مزید پڑھیں: ماہرہ خان اور مہوش حیات ایشیا کی پرکشش خواتین میں شامل
