میری شادی علی ظفر سے نہیں علی فضل سے ہورہی ہے، رچا چڈھا

بالی وڈ اداکارہ رچا چڈھا نے بھارتی صحافی کی جانب سے اپنی شادی سے متعلق کی گئی غلط ٹوئٹ پر وضاحت کی ہے کہ اُن کی شادی علی ظفر سے نہیں بلکہ علی فضل سے ہورہی ہے۔

واضح رہے کہ اداکارہ رچا چڈھا اور اداکار علی فضل کی شادی آئندہ ماہ ہونے جارہی ہے لیکن اس حوالے سے بھارتی صحافی نے ایک بڑی غلطی کردی۔

حال ہی میں بھارتی نیوز چینل کے نیوز ایڈیٹر اور صحافی پرشانت جین نے سماجی رابطے کی ویب سائٹ ٹوئٹر پر دونوں اداکاروں کی شادی کی خبر شیئر کی۔

پرشانت جین نے اپنی ٹوئٹ میں رچا چڈھا اور علی فضل کی شادی کی تاریخ کے حوالے سے بتایا، جس میں انہوں نے علی فضل کی جگہ پاکستانی گلوکار و اداکار علی ظفر کو مینشن کردیا۔

صحافی کی ٹوئٹ کو رچا چڈھا نے فوراً ری ٹوئٹ کیا اور یاددہانی کرائی کہ علی ظفر پاکستانی گلوکار و اداکار ہیں جو پہلے سے ہی شادی شدہ ہیں۔