گوگل نیوز پر ہمیں فالو کریںبھارتی کرکٹ ٹیم کے اسپنر یوزویندر چہل نے اہلیہ دھناشری ورما سے طلاق کی افواہوں پر اپنا ردعمل دیکر مداحوں کو حیران کردیاہے۔
بھارتی اسپنر یوزویندر چہل نےفوٹو اینڈ ویڈیو شیئرنگ ایپ انسٹاگرام پر اپنی اسٹوری شیئرکی جس میں انہوں نے اپنے چاہنے والوں کی حمایت کا شکریہ ادا کیااورلکھا کہ میرے اور اہلیہ کیخلاف بےبنیاد قیاس آرائیاں پھیلائی جارہی ہیں، جس سے میرے احباب اور خاندان والوں کو شدید تکلیف سے گزرنا پڑاہے۔
انہوں نے بنا تصدیق خبر پھیلانے پر تنقید کرتے ہوئے خبررساں ایجسنی کو تنقید کا نشانہ بناتے ہوئے کہا کہ ہمارے رشتے کی رازداری کا احترام کیا جانا چاہیےتھا، ذاتی زندگی میں دخل اندازی نہایت ہی گری ہوئی حرکت تھی۔
کرکٹر نے اہلیہ سے علیحدگی کی خبروں پر کہا کہ میری اور دھناشری ورما کے درمیان محبت کی کہانی کئی افراد کیلئے متاثر کن تھی، کوویڈ کے دوران شروع ہونے والی اس کہانی کو ہم نے شادی کے ذریعے پایا تکمیل تک پہنچایاتھا۔
دوسری جانب چہل اور دھناشری ورما نے تاحال افواہوں کی ترید پر کوئی بیان جاری نہیں کیا ہے اورتاحال جوڑا اپنے درمیان علیحدگی کی افواہوں کو مسترد کررہا ہے۔
علیحدگی کی باتوں کو تقویت اس وقت ملی جب یوزویندر چہل اور دھناشری نے ایک دوسرے کو انسٹاگرام پر ان فالو کردیا اور ساتھ ہی کرکٹر نے دھنا شری کی تصاویر بھی ڈیلیٹ کردیں ہیں جبکہ ان کی اہلیہ دھناشری ورما نے بھی کرکٹر کو ان فالو کیا ہے لیکن یوزویندر چہل کی تصاویر نہیں ہٹائیں۔
قبل ازیں گزشتہ روز چہل کی اہلیہ اور ڈانسر دھناشری ورما نے شوہر سے علیحدگی کی افواہوں پر خاموشی توڑتے ہوئے کہا تھا کہ گزشتہ چند دن میرے اور میرے خاندان کیلئے بے حد مشکل رہے، سب سے زیادہ پریشان کن وہ تحریریں ہیں جو حقائق کے بر خلاف ہیں، اس ٹرولنگ سے پھیلائی جانے والی نفرت کے ذریعے میرے کردار کی توہین ہوئی ہے۔
سال کے آغاز کے محض 6 روز بعد بھارتی کرکٹر اور انکی اہلیہ کے درمیان علیحدگی کی خبریں زور پکڑ گئیں تھی جبکہ ایک میڈیا آؤٹ لیٹ نے یہاں تک تصدیق کی تھی کہ جوڑے کے درمیان معاملات ٹھیک نہیں چل رہے ہیں اور دونوں نے اپنے راستے جُدا کرنے کا فیصلہ کرلیا ہے۔
واضح رہے کہ دھناشری جو کہ ایک ڈینٹسٹ سے ڈانسر اور کوریوگرافر بنیں، نے مشہور ریئلٹی شو “جھلک دکھلا جا” میں حصہ لیا تھا۔
دھناشری اورچہل نے 8 اگست 2020 کو منگنی کی اور 22 دسمبر 2020 کو گڑگاؤں میں ایک نجی تقریب میں شادی کی تھی۔
