ننئی دہلی: بھارتی فضایئہ کا طیارہ مگ 21 تربیتی مشن کے دوران گر کر تباہ ہوگیا ہے جس کے نتیجے میں طیارے میں موجود پائلٹ ہلاک ہوگیا۔
تفصیلات کے مطابق بھارتی میڈیا کا کہنا ہے کہ بھارتی فضائیہ کا مگ 21 طیارہ تربیتی مشن کیلئے اڑان بھرنے کے بعد پرواز کے دوران گر کر تباہ ہوگیا۔ حادثے کے نتیجے میں طیارے کو اڑانے والا پائلٹ بھی ہلاک ہوچکا ہے۔
بھارتی میڈیا کے مطابق بھارتی فضائیہ کے مگ 21 طیارے نے ائیر بیس سے ٹریننگ مشن کیلئے اڑان بھری تھی تاہم نامعلوم وجوہات کے باعث طیارہ گر کر تباہ ہوگیا۔ بھارتی فضائیہ نے بھی طیارہ گر کر تباہ ہونے کی تصدیق کردی ہے۔
سماجی رابطے کی ویب سائٹ ٹوئٹر پر اپنے پیغام میں بھارتی فضائیہ نے کہا کہ حادثے کے نتیجے میں فضائیہ کے گروپ کیپٹن اے گپتا ہلاک ہو گئے ہیں۔ طیارہ حادثے میں پائلٹ کی ہلاکت پر افسوس کا اظہار بھی کیا گیا۔
بھارتی فضائیہ نے واقعے کی انکوائری کا حکم بھی دے دیا ہے۔ یہ افسوسناک حادثہ آج صبح کے وقت پیش آیا۔ جنگی تربیت مشن بھارت کے مرکزی علاقے میں جاری تھا جس کے دوران طیارہ گر کر تباہ ہوا۔
افسوسناک حادثے کے نتیجے میں بھارتی فضائیہ اپنا کیپٹن اے گپتا کھو بیٹھی۔ بھارتی فضائیہ نے کیپٹن اے گپتا کے اہلِ خانہ سے تعزیت کا اظہار کیا ہے۔ حادثے کی وجوہات کیلئے انکوائری کا حکم بھی جاری کیا گیا۔
The IAF lost Group Captain A Gupta in the tragic accident. IAF expresses deep condolences and stands firmly with the family members. A Court of Inquiry has been ordered to determine the cause of the accident.
— Indian Air Force (@IAF_MCC) March 17, 2021
یاد رہے کہ اِس سے قبل بھارتی فضائیہ کا ایک اور طیارہ دیکر آباد کے علاقے سلطان پور گاؤں میں تربیتی پرواز کے دوران اچانک ہچکولے کھاتے ہوئے گر کر تباہ ہوگیا جبکہ اس افسوسناک حادثے کے دوران انسٹرکٹر اور پائلٹ دونوں ہلاک ہو گئے۔
بھارتی ریاست تلنگانہ میں 7 اکتوبر 2019ء کے روز محو پرواز طیارے کو راجیو گاندھی ایوی ایشن اکیڈمی سے تعلق رکھنے والے انسٹرکٹر اور طالب علم پائلٹ اڑا رہے تھے، تاہم پرواز بھرنے کے ایک گھنٹے بعد ہی طیارے کا کنٹرول روم سے رابطہ منقطع ہوا جس کے بعد اکیڈمی کو علاقہ پولیس کی طرف سے حادثے کی اطلاع دی گئی۔
مزید پڑھیں: بھارتی فضائیہ کا طیارہ تربیتی پرواز کے دوران گر کر تباہ ہوگیا