گوگل نیوز پر ہمیں فالو کریںمظفر آباد:آزاد جموں و کشمیر کے صدر سردار مسعود خان نے کہا ہے کہ بھارت عالمی برادری کو مسئلۂ کشمیر پر بے وقوف نہیں بنا سکتا کیونکہ حقائق اب اقوامِ عالم کے سامنے ہیں۔
سماجی رابطے کی ویب سائٹ ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ کشمیر کے بارے میں بھارتیہ جنتا پارٹی کی طرف سے جو جھوٹی بیان بازی جاری ہے، عالمی برادری کو اس کی دھند میں گم نہیں کیاجاسکتا۔
وادئ کشمیر پر بھارتی پروپیگنڈہ بے نقاب کرتے ہوئے صدرِ آزاد کشمیر نے کہا کہ مقبوضہ کشمیر میں کوئی دہشت گرد نہیں ہیں۔ پاکستان مقبوضہ وادی میں کسی قسم کی مداخلت نہیں کرتا جبکہ سچ یہ ہے کہ 9 لاکھ قابض بھارتی فوجیں مظلوم کشمیریوں کا قتلِ عام کر رہی ہیں۔
#Reject_BJP_Fog_of_Lies. The world will no more be lost in the fog of the BJP’s lies about Kashmir. There are no terrorists there. There is no interference from Pakistan. The truth is: unarmed civilians are being killed by the 900,000 occupation forces.
— Masood Khan (@Masood__Khan) May 17, 2020
آزاد کشمیر کے صدر سردار مسعود خان نے کہا کہ بی جے پی کا کسی بھی قسم کا پروپیگنڈہ کامیاب نہیں ہوسکتا۔ حقیقت کو تبدیل نہیں کیاجاسکتا۔ جموں و کشمیر کے بڑے علاقے میں عوام حقِ خود ارادیت سے محروم ہیں جبکہ علاقے پر بھارتی فوج کا قبضہ ہے۔
صدرِ آزاد کشمیر مسعود خان نے کہا کہ کشمیریوں کو حقِ خود ارادیت کے نام پر دھوکا دیا جارہا ہے۔ اِس بار بھارتی حکومت نے کٹھ پتلی انتظامیہ کی مدد سے عالمی برادری کو دھوکا دینے کا پلان بنایا ہے جبکہ کشمیر میں موجود کٹھ پتلی رہنما کشمیریوں کی نمائندگی کا بے بنیاد دعویٰ کرتے ہیں۔
No amount of gaslighting by BJP-RSS regime can change the reality:A big chunk of Jammu and Kashmir is under occupation being run without the consent of its people.This time they’ve done away with the formality of the lackeys/puppets who used to claim they respresented Kashmiris.
— Masood Khan (@Masood__Khan) May 17, 2020
