گوگل نیوز پر ہمیں فالو کریںاسلام آباد:اسلام آباد میں گزشتہ 24 گھنٹوں میں مزید 37 افراد ڈینگی کا شکار ہوگئے۔شہر اقتدار میں ڈینگی سے متاثرہ افراد کی کل تعداد 4 ہزار 979 ہوگئی۔
ڈی ایچ او کے مطابق وفاقی دارلحکومت میں ڈینگی سے جان بحق افراد کی تعداد 11ہے،گزشتہ 24 گھنٹوں کے دوران دیہی علاقوں میں ڈینگی کے 19 کیسز سامنے آئے۔
ڈی ایچ او کے مطابق دیہی علاقوں میں ڈینگی کے کل کیسز کی کل تعداد 2 ہزار 880 ہوگئی، شہری علاقوں میں 24 گھنٹوں میں ڈینگی کے 18 کیسز سامنے آئے۔
ڈی ایچ او کے مطابق پولی کلینک ہسپتال میں 24 گھنٹوں کے دوران 2 مریض داخل ہیں،شہر کی نجی لیبارٹریوں میں آنے والے 8 افراد میں ڈینگی وائرس کی تصدیق ہوئی ہے۔
مزید پڑھیں:ایس آئی یو ٹی میں روبوٹک سرجری کی پہلی بین الاقوامی سمپوزیم کا افتتاح
ڈی ایچ او کے مطابق شہری علاقوں میں ڈینگی کیسز کی کل تعداد 2 ہزار 99 ہوگئی، پمز اسپتال میں 24 گھنٹوں میں ڈینگی کے 22 مریض داخل ہیں۔
