گوگل نیوز پر ہمیں فالو کریںوزیر اعظم پاکستان عمران خان آج ”ڈیجیٹل پاکستان مہم“ کا آغاز کر رہے ہیں، مہم کی افتتاحی تقریب آج ہوگی جبکہ مہم کے تحت ملکی اداروں کو کمپیوٹرائزڈ کیا جائےگا ۔
ڈیجیٹل پاکستان مہم کا افتتاح وزیر اعظم ہاؤس اسلام آباد میں ہوگا۔ وزیر اعظم عمران خان منصوبے کا افتتاح کریں گے جس کے تحت اداروں کو بتدریج کاغذ اور قلم کے استعمال سے آزاد کیا جائے گا۔
مہم کا آغاز جدید دور سے ہم آہنگ ہونے کے وزیر اعظم عمران خان کے ویژن کا حصہ ہے۔ ڈیجیٹل پاکستان مہم کے تحت وزارتِ انفارمیشن ٹیکنالوجی پاکستان میں ٹیکنالوجی کا انقلاب لانا چاہتی ہے۔
یاد رہے کہ 17 ستمبر کو وزیر اعظم عمران خان نے ملکی سطح پر ڈیجیٹل پے منٹ سسٹم متعارف کروانے کا فیصلہ کرتے ہوئے اس کی منظوری دے دی اور گوگل کمپنی سے متعلقہ معاملات بھی طے پا گئے۔
مزید پڑھیں: وزیر اعظم نے ملک میں ڈیجیٹل پے منٹ سسٹم لانے کی منظوری دے دی
دو روز قبل وفاقی وزیر منصوبہ بندی اسد عمر نے کہا کہ ڈیجٹلائزیشن کے ذریعے معاشی سرگرمیوں کو مانیٹر کیا جا سکتا ہے ، جب ہم گور ننس کی اکائونٹبلٹی کی بات کرتے ہیں تو اس کے اندر ڈیجیٹل ٹیکنالوجی کا بہت اہم کردار ہو سکتا ہے۔
وفاقی وزیر برائے منصوبہ بندی ترقی و اصلاحات اور اسپیشل انیشیٹو اسد عمر نے ایس ڈی پی آئی ڈیجیٹل کانفرنس سے خطاب کرتے ہوئے کہاکہ سوشل سیکٹر ریسرچ میں ایس دی پی آئی کا بہت ہاتھ ہے، جو قابل تحسین ہے ۔
مزید پڑھیں: ڈیجٹلائزیشن کے ذریعے معاشی سرگرمیوں کو مانیٹر کیا جا سکتا ہے، اسد عمر
