عمران خان وزیراعظم رہنے کا آئینی، قانونی اوراخلاقی جواز کھو چکے ہیں، مریم نواز

لاہور: پاکستان مسلم لیگ (ن) کی نائب صدر مریم نواز نے کہا ہے کہ عمران خان ملک کے وزیراعظم رہنے کا اخلاقی، قانونی اور آئینی جواز کھو چکے ہیں۔

ان خیالات کا اظہار مسلم لیگ ن کے نائب صدر نے سماجی رابطے کی ویب سائٹ پر اپنے ایک بیان میں کیا۔

اپنے پیغام میں انہوں نے لکھا کہ عوامی نمائندوں کے پاس دو راستے ہیں یا تو عوام کے ساتھ کھڑے ہوں یا ڈوبتے ہوئے جہاز کو پکڑ کر رسوائی کی تاریخ کا حصہ بن جائیں۔

دوسروں کو شوکاز نوٹس جاری کرنے سے پہلے، اس شوکاز نوٹس کا جواب دو جو پوری قوم نے آپ کو دے رکھا ہے۔آپ نے پورے پاکستان کو غربت،مہنگائی، بے روزگاری اور بدامنی میں دھکیل کر اپنی جماعت کے کس رکن کو اس قابل چھوڑا ہے کہ وہ عوام کا سامنا کرے؟ آپ ایک بوجھ ہیں جو اب کوئی نہیں اٹھا سکتا۔

— Maryam Nawaz Sharif (@MaryamNSharif) March 19, 2022

مریم نوازنے وزیراعظم عمران خان سے کہا کہ دوسروں کو شوکاز نوٹس جاری کرنے سے پہلےاس شوکاز نوٹس کا جواب دیں جو پوری قوم نے آپ کو دیا ہے۔

مزید پڑھیں:عمران خان نے نثار کو ن لیگ، اعتزازکوپی پی، حافظ حسین، مولانا شیرانی کو مجلس عمل کے ارکان توڑنے کا ٹاسک دیدیا

اگر بقول آپکے 14اراکان آپکا ساتھ چھوڑ گئے ہیں اور آپ نے انہیں شوکاز نوٹس جاری کردیے ہیں تو اسکا مطلب یہ ہے کہ 342 کے ایوان میں 165ارکان آپ کے ساتھ رہ گئےہیں۔

گویا آپ اکثریت کھو چکے ہو۔آپ وزیراعظم کے منصب کا اخلاقی، قانونی اور آئینی جواز کھو چکے ہو۔اب اقتدار سےچپکے رہنے کا فائدہ؟۔