گوگل نیوز پر ہمیں فالو کریںاسلام آباد: سابق وزیر اعظم عمران خان نے ٹی وی میزبان ارشد شریف کے وحشیانہ قتل پر رنج و غم کا اظہار کرتے ہوئے واقعے کی تحقیقات کا مطالبہ کیا ہے۔
سماجی رابطے کی ویب سائٹ ٹوئٹر پر اپنے پیغام میں سابق وزیر اعظم عمران خان نے کہا کہ ارشد شریف نے سچ بولنے کی حتمی قیمت اپنی جان سے ادا کی۔ ان کے بہیمانہ قتل پر بے حد افسوس ہوا۔
ارشد شریف کے انتقال پر صدرِ مملکت، وزیر اعظم کی تعزیت
ٹوئٹر پیغام میں عمران خان نے کہا کہ ارشد شریف کو ملک چھوڑنا پڑا مگر بیرونِ ملک پناہ کے دوران بھی انہوں نے سوشل میڈیا پر سچ بولنے اور طاقتور لوگوں کو بے نقاب کرنے کا سلسلہ جاری رکھا۔
پیغام میں چیئرمین پی ٹی آئی عمران خان نے کہا کہ ارشد شریف کے انتقال پر پوری قوم غمزدہ ہے۔ ارشد شریف کے بیانات اور دیگر ذرائع سے شواہد کی تفتیش کیلئے جوڈیشل تحقیقات کی جائیں۔
انکےاپنےبیانات اور دیگر ذرائع سےملنے والےشواہد کی پڑتال کیلئےباضابطہ عدالتی تحقیقات کااہتمام کیا جائے۔ ہم طاقتور طبقات کےہاتھوں ان افراد،جو تنقید کرنےاورغلط کاریوں کوبےنقاب کرنے کی جسارت کرتےہیں کیخلاف سفاکیت کی اس سطح تک گِر چکےہیں جس کا کسی مہذب معاشرےمیں تصور تک محال ہے۔
— Imran Khan (@ImranKhanPTI) October 24, 2022
چیئرمین تحریکِ انصاف عمران خان نے کہا کہ ہم طاقتور طبقات کے ہاتھوں یرغمال بن چکے ہیں۔ جو لوگ بدعنوانیاں بے نقاب کرتے ہیں، ان کے خلاف اس حد تک سفاکیت ہوتی ہے جس کا مہذب معاشروں میں تصور تک نہیں۔
