عمران خان نے سمندرپار پاکستانیوں سے مدد کی اپیل کر دی

اسلام آباد: چیئرمین پی ٹی آئی عمران خان نے سمندرپار پاکستانیوں سے مدد کی اپیل کر دی۔

ویڈیو پیغام میں عمران خان نے کہا کہ ہم نے نامنظور ڈاٹ کام کی ایک ویب سائٹ بنائی ہے ویب سائٹ کا مقصد ہے اوورسیزپاکستانیوں سے فنڈجمع کریں اب ہم مہم میں جا رہے ہیں۔

چیئرمین پی ٹی آئی نے کہا کہ بیرونی سازش کے تحت حکومت تبدیلی کی سازش رچائی گئی،کرپٹ ترین لوگوں کو پاکستان پرمسلط کیا گیا ہے،ایسے لوگوں کو مسلط کرنا 22 کروڑ لوگوں کی توہین ہے،ایسے لوگوں کیخلاف قوم میں نکل رہاہوں،اپنی قوم کو جگا رہا ہوں۔

عمران خان نے کہا کہ کوشش ہے سازش کو فیل کر کے پاکستان کو الیکشن کی طرف لے جائیں،ایک ہی حل ہے عوام فیصلہ کریں وہ کس کو چاہتے ہیں۔

مزید پڑھیں: دہشت گردی کو شکست دیکر رہیں گے، وزیراعظم کا 7 جوانوں کی شہادت پر ردعمل

عوام الیکشن کے ذریعے فیصلہ کریں اب ہم مہم چلارہے ہیں مہم کیلئے فنڈز کی ضرورت ہے کیونکہ ملک بھرمیں مہم چلائیں گے۔ان کا کہنا تھا کہ عوام سے اپیل ہے بھرپور طریقے سے اس مہم میں شرکت کریں یہ ہے پاکستان کی حقیقی آزادی کی مہم!