گوگل نیوز پر ہمیں فالو کریںلاہور:وفاقی وزیر پلاننگ اینڈ ڈویلپمنٹ احسن اقبال کا کہنا ہے کہ عمران خان صاحب! 2018 اب واپس نہیں آسکتا،پنجاب میں ہر چیز برائے فروخت، صورتحال کا ذمہ دار کون ہے؟ ایوری ڈے از ناٹ سن ڈے۔
پاکستان مسلم لیگ ن کے سینئر رہنماء احسن اقبال نے نارووال میں میڈیا سے بات کرتے ہوئے کہا کہ عمران خان صاحب سب آپ کی اصلیت جان چکے، آپ کرپٹ بھی ہیں اور جھوٹے بھی، وقت آگیا ہے کہ سیاست سے باعزت ریٹائر ہوجائیں، ن لیگ نے عدم اعتماد کے ذریعے اپنا مینڈیٹ حاصل کیا۔
ن لیگ کے رہنماء نے کہا کہ یہاں پر کوئی چیف سیکرٹری آئی جی لگنے کو تیار نہیں ہے، ہماری عدالتیں آئین اور قانون کے مطابق فیصلے دیں۔
احسن اقبال کا کہنا تھا کہ ن لیگ نے عدم اعتماد کے ذریعے اپنا مینڈیٹ حاصل کیا لیکن سپریم کورٹ کے متنازعہ فیصلے سے پنجاب کو دوبارہ پی ٹی آئی کے حوالے کر دیا گیا۔2018 میں پنجاب نے ن لیگ کو مینڈیٹ دیا، اس مینڈیٹ کو تسلیم نہیں کیا گیا، ن لیگ سے حکومت چرائی گئی۔
انہوں نے کہا کہ عدالت میں فیصلہ آئین اور قانون کے تحت ہوتا ہے، وہ سب فریقوں کو راضی کرنے کے لئے نہیں ہوتا، پنجاب میں اس وقت جو برائے فروخت ہر چیز لگی ہوئی ہے اس کا ذمہ دار کون ہے؟
مزید پڑھیں:جب دو اسمبلیاں ٹوٹیں گی تو انتخاب تو کرانا پڑے گا،عمران خان
احسن اقبال نے کہا کہ پی ٹی آئی نے پنجاب کی انتظامی مشنری کی چولیں ہلا دی ہیں، پنجاب کے بلدیاتی اداروں کو تہس نہس کر دیا گیا۔
