واشنگٹن: آئی ایم ایف نے کہاہے کہ پاکستان نے پروگرام میں رہتے ہوئے تمام معاشی اہداف حاصل کیے، پہلی سہہ ماہی میں بیرونی شعبہ، زرمبادلہ کے ذخائر کے اہداف حاصل کیے گئے، ایکسچینج ریٹ مستحکم ہونے کے باعث آئندہ مہنگائی کی شرح میں کمی ہوسکتی ہے۔
آئی ایم ایف ایگزیکٹو بورڈ جائزہ کے بعد مشن چیف رمریز ریگو اور آئی ایم ایف ڈائریکٹر کمیونیکیشن نے پریس کانفرنس سے خطاب کرتے ہوئے انہوں نے کہاکہ آئی ایم ایف پروگرام کے تحت رواں مالی سال کی پہلی سہہ ماہی کا جائزہ لیا گیا، گزشتہ ہفتے آئی ایم ایف ایگزیکٹو بورڈ نے معاشی صورتحال کا جائزہ لیا۔
رمریز ریگو نے کہاکہ پاکستان نے پروگرام میں رہتے ہوئے تمام معاشی اہداف حاصل کیے، پاکستان نے پہلی سہہ ماہی میں بیرونی شعبہ، زرمبادلہ کے ذخائر کے اہداف حاصل کیے۔
رمریز ریگو نے کہاکہ ایکسچینج ریٹ مستحکم ہونے کے باعث آئندہ مہنگائی کی شرح میں کمی ہوسکتی ہے، پاکستان کی معاشی ٹیم پروگرام کے باقی اہداف حاصل کرنے میں پرعزم ہے۔
یہ بھی پڑھیں: حکومت کسانوں کو سستی کھاد فراہم کرنے کے لئے بھاری سبسڈی فراہم کررہی ہے، اسد عمر