گوگل نیوز پر ہمیں فالو کریںپاکستان کے ہمسایہ ملک بھارت میں طلاق کے بعد بیوی کے گھر والوں نے شوہر کی عدالت کے باہر ہی خوب پٹائی کی جس کی ویڈیو سوشل میڈیا پر وائرل ہوگئی ہے۔
تفصیلات کے مطابق طلاق اور مارپیٹ کا یہ افسوسناک واقعہ بھارتی ریاست اتر پردیش کے علاقے مظفر نگر میں پیش آیا۔ طلاق دینے کی عدالتی کارروائی کے بعد عدالت کے باہر ہی شوہر کے سسرالیوں نے اسے گھیر لیا۔
کھانا دینے سے انکار کیوں؟ شوہر نے بیوی کو قتل کردیا
بھارتی میڈیا کا کہنا ہے کہ لڑکی کے گھر کی خواتین نے لڑکے کو تشدد کا نشانہ بنایا اور خوب مارپیٹ کی۔ دوسری جانب لڑکے کے لواحقین اسے بچانے کی کوشش میں ناکام نظر آئے۔ کم و بیش 15 منٹ تک جاری مارپیٹ کی ویڈیو سامنے آگئی۔
واقعے کی ویڈیو سوشل میڈیا پر وائرل ہوگئی ہے۔ بھارتی میڈیا کا دعویٰ ہے کہ یہ واقعہ مظفر نگر کے گاؤں سجرو میں پیش آیا۔ شوہر اور بیوی طلاق کیلئے ہی عدالت گئے تھے۔ طلاق کے بعد لڑکی کے اہلِ خانہ نے مارپیٹ شروع کردی۔
https://twitter.com/thejamiatimes/status/1606284848993562624
سوشل میڈیا پر وائرل ویڈیو میں 3 خواتین طلاق کے بعد خاتون کے شوہر کو پکڑ کر پٹائی کرتی نظر آئیں۔ ویڈیو میں ایک نوجوان کو بھی دیکھا جاسکتا ہے جس نے مارپیٹ کا نشانہ بننے والے شخص کے بال پکڑ رکھے ہیں۔
انڈین میڈیا کا دعویٰ ہے کہ صبیحہ نامی خاتون کی شادی میرٹھ سے تعلق رکھنے والے راشد سے ہوئی جن کے مابین تنازعہ کھڑا ہوگیا۔ سمجھانے سے بات نہیں بنی تو طلاق کا فیصلہ کرتے ہوئے خاتون کو 1 لاکھ 30 ہزار بھارتی روپے دینے کی ہدایت کی گئی تھی۔
