ماہرہ خان اور مہوش حیات لاکھوں لوگوں کیلئے رول ماڈل ہیں، ہمایوں سعید

کراچی :معروف اداکار ہمایوں سعید نے کہا ہے کہ ماہرہ خان اور مہوش حیات لاکھوں افراد کے لیے رول ماڈلز کی حیثیت رکھتی ہیں۔

ٹوئٹر پر اداکار ہمایوں سعید نے ماہرہ خان اور مہوش حیات کو لاکھوں افراد کے لیے رول ماڈل قرار دیتے ہوئے کہ ’یہ ہمارے لیے بد قسمتی کا مقام ہے کہ آج بھی ہمارے درمیان ایسے لوگ موجود ہیں جو محنتی، باصلاحیت اور باساختہ خواتین پر اْنگلیاں اْٹھاتے ہیں۔‘

ہمایوں سعید نے اپنے ٹوئٹ میں اداکارہ ماہرہ خان اور مہوش حیات کو مخاطب کرتے ہوئے لکھا کہ ’جیسے ماہرہ خان اور مہوش حیات یہ دونوں خواتین باصلاحیت اور لاکھوں افراد کے لیے رول ماڈل ہیں۔

مزید پڑھیں:اداکارہ منشا پاشا اور سماجی رہنما جبران ناصر 22 دسمبر کو منگنی کریں گے

اْنہوں نے لکھا کہ ’ہماری قوم اْس وقت تک ترقی نہیں کر سکے گی جب تک ہم خواتین کا احترام نہیں کریں گے، اْن کی عزت نہیں کریں گے اور اْن کے ساتھ اچھا سلوک نہیں کریں گے۔‘

ہمایوں سعید کے اِس ٹوئٹ پر مہوش حیات نے اپنے ردِ عمل کا اظہار کرتے ہوئے کہا کہ ’یہ دیکھ کر بہت دْکھ ہوتا ہے کہ جب کوئی مرد دوست یا ساتھی اپنی خاتون دوست کا ساتھ دینے کے لیے اْس کی حمایت میں بولتا ہے تو اْس کو ناقابلِ قبول سمجھا جاتا ہے۔

So unfortunate that there are still people who point fingers at incredibly hardworking, talented and self-made women like @MehwishHayat & @TheMahiraKhan. They’e role models for millions! We can’t progress as a nation until we learn to respect our women and treat them with dignity

— Humayun Saeed (@iamhumayunsaeed) December 20, 2019

‘مہوش حیات نے اپنے ٹوئٹ میں ہمایوں سعید کا شکریہ ادا کرتے ہوئے لکھا کہ آپ کی حمایت کیلئے شکریہ، مجھے یہ دیکھ کر بہت خوشی ہوئی کہ آج بھی ہمارے معاشرے میں ایسے لوگ موجود ہیں جو صحیح کے لیے آوازاْٹھاتے ہیں۔‘