گوگل نیوز پر ہمیں فالو کریںکراچی: محکمہ موسمیات نے ملک میں آئندہ سے شروع ہونے والے موسم کے حوالے سے پیش کردی ہے، موسمیاتی تجزیہ کار جواد میمن کا کہنا ہے کہ نومبر کے دوسرے ہفتے سے ملک بھر میں شدید سردی پڑسکتی ہے۔
محکمہ موسمیات کے مطابق پاکستان میں رواں سال موسم سرما معمول سے زیادہ سرد رہنے کا امکان ہے۔
موسمیاتی تجزیہ کار کے مطابق نومبر کے پہلے ہفتے سے قطب شمالی پر موجود سرد ہواؤں کا بھنور کمزور ہوجائیگا، سرد ہواؤں کی اس موسمی کیفیت کو پولر ورٹیکس کہا جاتا ہے، پولر ورٹکس کمزور ہونے سے عالمی سطح پر موسم سرد ہونے لگتا ہے۔
موسم سرما میں معمول سے زیادہ بارش، برفباری اور ژالہ باری کا بھی امکان ہے جب کہ یورپ، روس اور پورے مشرق وسطیٰ میں بھی معمول سے زائد بارشیں اور برفباری ہوسکتی ہے۔
مزید پڑھیں:شہر قائد میں سے گرمی کی شدت میں اضافے کا امکان
جواد میمن کا مزید کہنا تھا کہ نومبر میں ہلکی سے معتدل مغربی ہواؤں کا سسٹم ملک پر اثر انداز ہوسکتا ہے جب کہ نومبرکے دوسرے ہفتے سے ملک بھر میں شدید سردی کی لہر کا امکان ہے،موسمی کیفیت کے اثرات پاکستان میں معمول سے زائد سردی کی صورت میں نظر آئیں گے۔
