گوگل نیوز پر ہمیں فالو کریںکراچی: اٹلس ہونڈا نے ایک ماہ کے اندر دوسری مرتبہ اپنی موٹرسائیکلوں کی قیمتوں میں 35 ہزار روپے تک کا اضافہ کردیا ہے۔
یہ اچانک اضافہ مقامی کرنسی کی امریکی ڈالر کے مقابلے میں تیزی سے گراوٹ کا نتیجہ ہے کیونکہ پاکستان کے زرمبادلہ کے ذخائر اب تک کی کم ترین سطح پر پہنچ گئے ہیں۔
موٹر سائیکل بنانے والی کمپنی نے 31 جنوری 2023 کو پہلی بار موٹر سائیکلوں کی قیمتوں میں 30,000 روپے تک کا اضافہ کیا اور عوام دو ہفتوں کے بعد دوسری مرتبہ اضافے سے حیران رہ گئے۔ 15 فروری 2023 سے نئی قیمتیں لاگو ہوں گی۔
کمپنی کی جانب سے جاری کی گئی نئی قیمت کی فہرست کے مطابق، سب سے زیادہ فروخت ہونے والی یونٹ Honda CD70 کی قیمت میں 9,000 روپے کا اضافہ ہوا ہے اور موٹر سائیکل کی قیمت اب 137,900 روپے ہوگی۔
کمپنی کی دوسری سب سے مشہور موٹر سائیکل ہونڈا CG، 125 کی قیمت میں 11,000 روپے کا اضافہ کیا گیا ہے جس سے اس کی قیمت 205,900 روپے تک پہنچ گئی ہے۔
ہونڈا سی ڈی ڈریم کی قیمت اب 147,500 روپے ہوگی، کیونکہ اس میں تقریباً 10,000 روپے کا اضافہ دیکھا گیا ہے، اور Honda Pridor کی قیمت کو بڑھا کر 181,500 روپے کردیا گیا ہے۔
مزید پڑھیں:پیٹرولیم مصنوعات کی قیمتوں میں اضافہ، ٹرانسپورٹرز نے بھی کرائے بڑھادیے
ٹاپ آف دی لائن Honda CBF 125 اور CBF 150 کی قیمت بالترتیب 418,900 روپے اور 422,900 روپے تک بڑھا دی گئی ہے۔
