کرک میں مشتعل عوام نے ہندوؤں کے مندر کو آگ لگادی

کرک: مشتعل عوام نے ہندؤں کی عبادت گاہ مندر کو نذر آتش کردیا، مشتعل افراد کے سامنے پولیس اور انتظامیہ مکمل بے بس نظر آئی۔

ڈسٹرکٹ پولیس آفیسر عرفان اللہ نے ضلع بھر سے حالات پر قابو پانے کے لئے پولیس کی بھاری نفری طلب کی ہے، اسوقت علاقے کے حالات کشیدہ ہیں۔

#BREAKING…A mob led by local clerics destroyed Hindu temple in Karak district of KP. Hindus obtained permission from the administration to extend the temple but local clerics arranged a mob to destroy the temple. Police & administration remained silent spectators @ImranKhanPTI pic.twitter.com/fL6J13YSGN

— Mubashir Zaidi (@Xadeejournalist) December 30, 2020

ذرائع کا کہنا ہے کہ کرک ٹیری میں ہندؤں کے مندر میں توسیع کے منصوبے کے خلاف عوام مشتعل ہوگئے اور مندر کو آگ لگا دی۔ کرک تحصیل بانڈہ کے علاقہ ٹیری میں موجود ہندؤں کے مندر میں توسیع کی جارہی تھی جس پر مقامی علماء اور عوام شدید مشتعل ہوگئے۔

مشتعل مظاہرین نے مندر پر چڑھائی کرتے ہوئے آگ لگا دی اور مندر کو مسمار کر دیا۔ مندر کی اراضی کم ہونے کیوجہ سے مندر کو وسعت دینے کیلئے قریبی اراضی کو شامل کیا جارہا تھا جس پر لوگوں نے شدید ردعمل کا اظہار کرتے ہوئے پورے مندر کو ہی مسمار کر دیا۔

مقامی لوگوں کا کہنا تھا کہ مندر میں توسیع کسی صورت قبول نہیں، عوام کی بڑی تعداد موقع پر جمع ہے، جبکہ مشتعل افراد کے سامنے پولیس اور انتظامیہ مکمل بے بس ہے۔ ڈسٹرکٹ پولیس آفیسر عرفان اللہ نے ضلع بھر سے پولیس کی بھاری نفری طلب کی ہے، اسوقت علاقے کے حالات کشیدہ ہیں۔