گوگل نیوز پر ہمیں فالو کریںبھارتی ہندو انتہا پسندوں نے خانہ کعبہ پر قبضہ کرنے کی بھڑکیں ماری ہیں جو پر دنیا بھر میں موجود مسلمانوں میں غم و غصے کی لہر دوڑ گئی ہے۔
نام نہاد سیکولر بھارت میں اقلتیوں بالخصوص مسلمانوں کا جینا اجیرن ہو گیا ہے، آئے دن مسلمانوں کو مختلف واقعات میں بہانہ بناکر سرعام قتل کردیا جاتا ہے لیکن پولیس اور انتظامیہ ناصرف خاموش تماشائی بن کر اس طرح کے گھناؤنےواقعات دیکھتی ہے بلکہ اس میں انتہا پسندوں کا ساتھ بھی دیا جاتا ہے۔
یہ بھی پڑھیں:
علی نور پر جنسی ہراسانی کا الزام لگانے والی گلوکارہ ماہا علی کاظمی کون ہیں؟
بھارت میں جہاں مسلمانوں کی مقدس مقامات اور مساجد کو نشانہ بنایا جاتا ہے، تو اب ان انتہاپسندوں نے دنیا میں مسلمانوں کی سب سے مقدس عبادت گاہ قبلہ و کعبہ مسجد الحرام پر قبضہ کرنے کی ہرزہ سرائی کی ہے۔
بھارتی ہندو انتہا پسند رہنما یاتی نر سنگھ آنند نے اپنے کعبہ بھی (نعوذوباللہ) مندر ہے، اور آب زم زم (نعوذوباللہ) دریائے گنگا ہے، مسلمانوں کو شکست دینے کے لئے خانہ کعبہ پر قبضہ کرنا ہوگا۔
بھارتی انتہا پسند رہنما کی بھڑکوں اور توہین آمیز بیانات پر ناصرف بھارت بلکہ دنیا بھر میں موجود مسلمانوں میں غم وغصے کی لہر دوڑ گئی ہے، اور دوسری جانب ہندو انتہا پسند رہنما کے توہین آمیز بیانات پر بھارتی حکومت حسب روایت ایکشن لینے سے گریزاں ہے۔
بھارت میں مسلمان دُشمنی کے بے شمار واقعات رونما ہو چکے ہیں، اور بڑھتی انتہا پسندی کے باعث بھارت عالم اسلام کیلئے خطرہ بن گیا ہے۔ سوال یہ ہے کہ نفرت کی اس آگ میں بھارتی اقلیتیں خود کو محفوظ تصورکرتی ہیں یا نہیں۔
