گوگل نیوز پر ہمیں فالو کریںلاہور : پاکستان مسلم لیگ ن کی رہنماء حنا پرویز بٹ قومی کرکٹ ٹیم کے سابق کپتان اور اسٹار آل راؤنڈر محمد حفیظ پر برہم، عمران خان کی حمایت کرنے پر کھری کھری سنادیں۔
پاکستان کرکٹ ٹیم کے اسٹار آل راؤنڈر محمد حفیظ نے وزیراعظم پاکستان عمران خان کو اعتماد کا ووٹ لینے پر مبادکباد پیش کی تھی، اپنے ٹوئٹر پیغام میں محمد حفیظ نے کرکٹ کی اصطلاح ماسٹر اسٹرک استعمال کرتے ہوئے عمران خان کی تعریف کی تھی۔
Master stroke #VoteOfConfidence @ImranKhanPTI
— Mohammad Hafeez (@MHafeez22) March 6, 2021
محمد حفیظ کے پیغام پر حنا پرویز بٹ نے شدید ناراضگی کا اظہار کرتے ہوئے اپنے جوابی ٹوئٹ میں کہا کہ کورونا ایس او پیز پر عمل نہ کرنے کی وجہ سے پوری دنیا میں پاکستان کی جگ ہنسائی ہوئی اور اب ایک ووٹ چور کو سپورٹ کر رہے ہو۔ بہتر ہے منہ بند کر کے کرکٹ کھیلیں اور سیاست پر تبصرہ مت کریں۔
واضح رہے کہ وزیراعظم پاکستان عمران خان قومی کرکٹ ٹیم کے کپتان رہے ہیں اور ان کی قیادت میں پاکستان نے 1992ء میں ورلڈکپ جیتا تھا اور یہی وجہ ہے کہ آج بھی پاکستان کے کرکٹر ان کی بے پناہ عزت کرتے ہیں۔
مزید پڑھیں: اسمبلیاں تحلیل ہوئیں تو پی ٹی آئی کو دوبارہ 10 سیٹیں بھی نہیں ملیں گی، ریحام خان کا دعویٰ
دوسری جانب محمد حفیظ کے ٹوئٹ پر صارفین نے ملے جلے ردعمل کا اظہار کیا، کچھ لوگوں کا کہنا تھا کہ کھلاڑی کو سیاست سے دور رہنا چاہیے ، کیونکہ اس کے سپورٹر ہر طبقے سے ہوتے ہیں ، خیر آپ لوگوں میں سادہ سی بات سمجھنے کی صلاحیت ہوتی تو پی ایس ایل ملتوی نا ہوتا۔
کورونا ایس او پیز پر عمل نہ کرنے کی وجہ سے پوری دنیا میں پاکستان کی جگ ہنسائی ہوئی اور اب ایک ووٹ چور کو سپورٹ کر رہے ہو۔ بہتر ہے منہ بند کر کے کرکٹ کھیلیں اور سیاست پر تبصرہ مت کریں https://t.co/0ufTKjeKyl
— Hina Parvez Butt (@hinaparvezbutt) March 7, 2021
