گوگل نیوز پر ہمیں فالو کریںاسلام آباد:پیپلزپارٹی کے چیئرمین بلاول بھٹو زرداری نے اکنامک سروے 2021 کے حوالے سے بیان میں کہا ہے کہ اکنامک سروے میں غربت اور بیروزگاری کا ذکر اس لئے نہیں کیا گیا کہ کہ ان دونوں میں تاریخی اضافہ ہوا۔
انہوں نے کہا کہ پختونخواہ میں غربت میں تاریخی اضافہ ہوا جس کی وجہ سے اکنامک سروے سے غربت کا ذکر غائب ہے، ملکی تاریخ میں بیروزگاری کی شرح میں ہونے والا ریکارڈ اضافہ عمران خان کی تبدیلی کا اصل چہرہ ہے۔
بلاول بھٹو کا کہنا تھا کہ غربت اور بے روزگاری کے اعدادوشمار کو چھپانا اور مہنگائی کے لئے بہانہ بنانا مسئلے کا حل نہیں ہے، اگر اکنامک سروے تک میں عوامی مسائل کی درست نشان دہی نہیں ہوگی تو یہ مسئلے کیسے حل ہوں گے۔
انہوں نے کہاکہ عوام پی ٹی آئی ایم ایف بجٹ کے بوجھ کو اٹھاتے ہوئے مہنگائی، بیروزگاری اور غربت کی صورت میں عمران خان کی نااہلی کی مہنگی قیمت کو بھگت رہے ہیں۔
اُن کا کہنا تھا کہ موجودہ حکومت نے غریب عوام سے دو وقت کی روٹی بھی چھین لی ہے، آئے روز مختلف اشیاء پر ٹیکس عائد کردیا جاتا ہے، جس کے باعث عام آدمی بہت متاثر ہورہا ہے۔
مزید پڑھیں:قومی اسمبلی میں حکومت نے قانون سازی کے اصولوں سے انحراف کیا۔ شہباز شریف
