گوگل نیوز پر ہمیں فالو کریںکراچی میں ہیوی ٹریفک کا آسیب ختم نہ ہوسکا، اسٹیل ملز موڑ کے قریب بد مست ٹرالر نے موٹر سائیکل سوار کو کچل دیا، حادثے میں ایک شخص جاں بحق ہوگیا۔
ذرائع ابلاغ پر سامنے آنے والی تفصیلات کے مطابق شہر قائد میں ٹریفک حادثات میں کمی نہ آ سکی، جمعے کے دن اسٹیل ملز موڑ پر ٹرالر کی ٹکر سے موٹر سائیکل سوار جاں بحق ہوگیا۔ پولیس نے متوفی کی لاش اسپتال منتقل کردی۔
ریسکیو ذرائع کے مطابق متوفی کی شناخت فرحان کے نام سے ہوئی۔ حادثے کے بعد موقع پر موجود عوام نے ٹرالر اور اس کے ڈرائیور کو پکڑ کر پولیس کے حوالے کردیا۔ پولیس نے ٹرالر تحویل میں لیکر قانونی کارروائی کا آغاز کردیا۔
واضح رہے کہ گزشتہ روز بھی نیشنل ہائی وے پر 17 سالہ نوجوان ٹرالر کی زد میں آکر جاں بحق ہوا تھا،
ریسکیو حکام کے مطابق رواں سال ٹریفک حادثات میں جاں بحق افراد کی تعداد 265 ہوگئی۔
