گوگل نیوز پر ہمیں فالو کریںلاہور: ایچ بی ایل پاکستان سپر لیگ (پی ایس ایل) 7 کے آفیشل ترانے کا ٹریلر ریلیز کردیا گیا، معروف گلوکار عاطف اسلم اور گلوکارہ آئمہ بیگ نے سر بکھیر کر شائقین کا لہو گرمایا ہے۔
تفصیلات کے مطابق ایچ بی ایل پی ایس ایل 7 کا آفیشل ترانہ گزشتہ برسوں کی طرح امسال بھی ریلیز کیا جائے گا جس کا ٹریلر منظرِ عام پر آگیا۔ ترانے کی ریلیز کا مقصد شائقینِ کرکٹ کے جوش و ولولے کو ابھارنا اور کھیل کے میدان میں اپنے من پسند کھلاڑیوں کا حوصلہ بڑھانے کیلئے تیار کرنا ہے۔
پاکستان ٹیم میں جگہ بنانے کے لیے پر جوش ہوں، وہاب ریاض
پاکستان سمیت دنیا بھر میں بڑھتے ہوئے کورونا کیسز نے پی ایس ایل سمیت کھیلوں کے متعدد عالمی مقابلوں پر مضر اثرات مرتب کیے ہیں۔ شائقینِ کرکٹ اومی کرون کے دوران بھی ٹی 20 کے مختصر فارمیٹ میں منعقد ہونے والے بڑے مقابلے کو دیکھنے کیلئے بے قرار ہیں جس کا انتظار شروع کردیا گیا۔
ایچ بی ایل پی ایس ایل 7 کے آفیشل ترانے کیلئے موسیقی عبداللہ صدیقی نے دی، عاطف اسلم اور آئمہ بیگ ترانے میں اپنی آوازوں کا جادو جگائیں گے۔ پی ایس ایل انتظامیہ کا کہنا ہے کہ آفیشل ترانے کے طور پر گایا گیا گیت جلد ریلیز کیا جائے گا۔ کرکٹ بورڈ حکام بھی پی ایس ایل کے انعقاد کیلئے تیار ہوگئے۔
https://twitter.com/MahamOfficial_2/status/1485175915168604160
