گوگل نیوز پر ہمیں فالو کریںپاکستان کے نوجوان ٹینس پلیئر حسن عثمانی نے ایک اور ایشین جونیئر اعزاز اپنے نام کرلیا۔
حسن عثمانی نے جدہ میں ہونے والا اے ٹی ایف انڈر 14 جونیئر ٹائٹل اپنے نام کرلیا۔ حسن نے فائنل میں ترکمانستان کے سلیمان ہودیباردیو کو شکست دی۔
گاڑی مالکان کیلئے خوشخبری، بایو میٹرک کی میعاد میں 2 ماہ کی توسیع
پاکستانی کھلاڑی کی جیت کا اسکور 3-6 اور 1-6 رہا۔ حسن عثمانی نے گزشتہ ماہ ترکمانستان میں ہونے والا اشک آباد اوپن بھی اپنے نام کیا تھا۔
ترکمانستان کے شہر اشک آباد میں ہونیوالے اشک آباد اوپن ٹینس ٹورنامنٹ کے انڈر 14 ایونٹ میں حسن عثمانی نے وائلڈ کارڈ انٹری حاصل کی تھی۔
پہلے پری کوارٹر فائنل میں سیڈ نمبر 8 کو ہرایا، اس کے بعد کوارٹر فائنل میں سیڈ نمبر چار کو زیر کیا اور پھر فائنل میں حسن عثمانی نے ترکمانستان کے سیکنڈ سیڈ پلیئر کو ہرایا ۔
میزبان ملک کے پلیئر سلیمان ہودیبردیو کے خلاف فائنل میں حسن 1-6اور 0-6 سے کامیابی حاصل کی تھی۔ حسن عثمانی کی پورے ٹورنامنٹ میں زبردست کارکردگی رہی، پانچ میچز میں حسن عثمانی نے 10 سیٹ جیتے، صرف ایک سیٹ ڈراپ کیا تھا۔
