کیا آپ کو کسی نے واٹس ایپ پر بلاک کردیا ہے؟ معلوم کرنا آسان ہوگیا

دنیا بھر میں پیغام رسانی کیلئے سب سے زیادہ استعمال کی جانے والی ایپلی کیشن واٹس ایپ اپنے صارفین کی سہولت کیلئے اکثراوقات نت نئے فیچرز متعارف کرواتی رہتی ہے۔

واضح رہے کہ واٹس نے ایپلی کیشن پر بلاک کرنے کا آپشن متعارف کروایا تھا، جس کے بعد اکثر لوگوں کے ذہنوں میں یہ تشویش ہوتی ہے کہ یہ کیسے معلوم کریں کہ کس نے واٹس ایپ پر بلاک کردیا ہے، لیکن کچھ ایسی ترکیبیں ہیں جس کا اندازہ لگاتے ہوئے آپ کو پتہ لگ جائے گا کہ آپ کو بلاک کیا جاچکا ہے۔

اگر آپ واٹس ایپ میں مذکورہ صارف کے نمبر پر جاکر یہ دیکھ پارہے ہیں کہ وہ آخری مرتبہ آن لائن کب آیا تھا، لیکن وقت گزرنے کے بعد بھی وہی اسٹیٹس نظر آرہا ہے تو امکان ہے کہ اس نے آپ کو بلاک کردیا ہے۔

اسی طرح اگر اچانک سے آپ کے پاس اپنے کانٹیکٹ نمبر کا پروفائل فوٹو نظر آنا بند ہوجائے تو امکان ہے کہ اس صارف نے آپ کو بلاک کردیا ہے۔

یہ بھی پڑھیں:

ٹیسلا نے کرپٹو کرنسی کی زیادہ تر ہولڈنگز کو فروخت کردیا

علاوہ ازیں آپ اس صارف کو ایک پیغام بھیج کر دیکھیں، اگر پیغام نہیں پہنچا تو دو باتوں کے امکانات ہیں، ایک یہ کہ آپ کو بلاک کیا جاچکا ہے اور دوسرا یہ کہ اس صارف کے پاس انٹرنیٹ نہیں ہے۔

یا پھر اس صارف کو ایک مرتبہ واٹس ایپ پر کال کریں، اگر کال کا اسٹیٹس Ringing نہیں آتا تو اس کا مطلب بالکل اسی طرح واضح ہے جس طرح ترکیب 3 میں بتایا گیا ہے۔

سب سے اہم کہ آپ واٹس ایپ پر ایک نیا گروپ بنانے کی کوشش کریں اور اُس صارف کو گروپ میں شامل کرنے کی کوشش کریں جس پر آپ کو بلاک کیے جانے کا شک ہے۔

اگر گروپ میں شامل کرتے وقت آپ کے پاس یہ واٹس ایپ میسج آجائے کہ آپ اس صارف کو شامل کرنے کے مجاز نہیں تو قوی امکان ہے کہ اس صارف نے آپ کو بلاک کیا ہوا ہے۔