شیخ رشید نے میری وجہ سے شادی نہیں کی، حریم شاہ نے نیا دھماکہ کردیا

پاکستانی ٹک ٹاک اسٹار حریم شاہ نے انکشاف کیا ہے کہ وزیر داخلہ شیخ رشید ان کی وجہ سے ابھی تک غیر شادی شدہ ہیں۔

ایک انٹرویو میں حریم شاہ نے شیخ رشید احمد کی شادی سے متعلق چونکا دینے والا انکشاف کیا اور کہا کہ میری وجہ سے ابھی تک ان کی شادی نہیں ہوئی ہے۔

ٹک ٹاکر نے دعویٰ کیا کہ شیخ رشید میرے پیچھے ہیں اور میری حفاظت کررہے ہیں اورمیری وجہ سے ہی انہوں نے شادی نہیں کی ہے۔

حریم شاہ نے کہا کہ متعدد افراد کی ویڈیوز اور واٹس ایپ کالز بے نقاب کرنے کے بعد بھی وہ خطرے میں نہیں ہیں کیوں کہ ان کے پیچھے شیخ رشید کا ہاتھ ہے۔

مزید پڑھیں: حریم شاہ دلہن بن گئیں ، شادی کے کپڑوں میں ویڈیوز وائرل

شادی سے متعلق اپنے خیالات کے بارے میں پوچھے جانے پر حریم شاہ نے بتایا کہ وہ شادی کے بعد کی زندگی سے کبھی نہیں ڈرتی، ان کا ماننا ہے کہ جوڑے آسمان پربنتے ہیں لیکن میرا شادی کا ابھی کوئی ارادہ نہیں کیونکہ میری شادی کی عمر گزر چکی ہے۔

اس سے قبل ٹک ٹاکر حریم شاہ نے اپنے ٹویٹر اکاؤنٹ پر شیخ رشید کے ساتھ ایک کال کی فوٹیج شیئر کی تھی جس میں انہوں نے ان پر الزام لگایا تھا کہ وہ انہیں غیر مہذب ویڈیوز بھیج رہی ہے،ویڈیو میں انہیں وفاقی وزیر کے ساتھ ایک ویڈیو کال پر گفتگو کرتے سنا جاسکتا ہے ۔