گوگل نیوز پر ہمیں فالو کریںلاہور ڈیویلپمنٹ اتھارٹی کے ٹریفک انجینئرنگ اینڈ ٹرانسپورٹ پلاننگ ایجنسی نے جمعرات کو لاہور کے مختلف علاقوں میں پارکنگ قوانین کی خلاف ورزی پر 24 سے زائد کاروباری مراکز کو سیل کر دیا۔
ٹیپا کے انفورسمنٹ ونگ نے شادمان I، شاہ جمال اور گلبرگ میں آپریشن کے دوران غیر قانونی سائن بورڈز بھی ہٹا دیے۔ سیل کیے جانے والے مقامات میں بینک الحبیب، ہیئر کلب، کِمز، کے ایف سی، یوسف اسکول سسٹم، معروف برانڈز کے آؤٹ لیٹس، بیکریاں، فوڈ آؤٹ لیٹس، نجی دفاتر اور دیگر کاروبار شامل ہیں۔
نئی دہلی دنیا کا سب سے آلودہ شہر، لاہور دوسرے نمبر پر آگیا
ان کارروائیوں کی نگرانی ٹیپا کے ڈائریکٹر انفورسمنٹ I، فرقان ظہیر نے پولیس کے تعاون سے کی۔ٹیپا کے حکام کے مطابق ان عمارتوں کے مالکان کو کارروائی سے قبل کئی نوٹس جاری کیے گئے تھے۔
ایل ڈی اے کے ڈائریکٹر جنرل طاہر فاروق نے لاہور میں پارکنگ قوانین کی خلاف ورزی، غیر قانونی سائن بورڈز اور تجاوزات کے خلاف بلا امتیاز کارروائیاں جاری رکھنے کی ہدایت کی ہے۔
اس کے علاوہ لاہور میں الائیڈ بینک، بینک الفلاح اور لیڈز یونیورسٹی کیمپس سمیت 120 مقامات کو بھی سیل کر دیا گیا ہے۔
