گوگل نیوز پر ہمیں فالو کریںلاہور: انسداد دہشت گردی عدالت نے کالعدم جماعت الدعوۃ کے سربراہ حافظ سعید کو دہشت گردوں کی مالی معاونت کے مقدمات میں 11 سال قید اور 30 ہزار روپے جرمانے کی سزا سنادی۔
لاہور کی انسداد دہشت گردی عدالت کے جج ارشد حسین بھٹہ نے حافظ سعید کے خلاف 2 کیسز میں محفوظ فیصلہ سنایا جس میں حافظ سعید سمیت دو ملزمان کو دو مقدمات میں ٹرائل مکمل ہونے پر ساڑھے پانچ ، پانچ سال قید اور 15، 15 ہزار روپے جرمانے کی سزا کا حکم دیا گیا۔
عدالت نے مجموعی طور پر حافظ سعید کو 11 سال قید اور 30 ہزار روپے جرمانے کی سزا سنائی۔عدالت نے کرمنل پراسیجر کوڈ کی دفعہ کے تحت انہیں سزا سنائی ، انہیں کالعدم تنظیم کی رکنت، معاونت اور اس سے ملاقاتوں کے جرم میں انسداد دہشت گردی کی دفعات کے تحت سزا سنائی گئی۔
دونوں کیسز میں حافظ سعید کے خلاف 23 گواہوں نے بیانات قلمبند کرائے، حافظ محمد سعید کیخلاف محکمہ انسداد دہشت گردی (سی ٹی ڈی) نے غیر قانونی فنڈنگ کے الزام میں مقدمہ درج کر رکھا تھا۔
یہ بھی پڑھیں: پاکستان کو فوجی تربیت کی بحالی کیلئے امریکی کانگریس سے فنڈز طلب
