گوگل نیوز پر ہمیں فالو کریںاسلام آباد:وزیر اعظم عمران خان نے کہا ہے کہ حکومت لاک ڈاؤن اور معیشت کے مابین توازن برقرار رکھنے کی کوشش کر رہی ہے ، اور اس بات کو یقینی بناریا جارہاہے کہ عوام بھوک سے نہ مریں اور معیشت بھی تباہ نہ ہو۔
وزیر اعظم عمران خان نے ٹوئٹر پیغام میں کہا ہے کہ برصغیر میں غربت کے مسائل زیادہ ہیں ، حکومت کو اپنے عوام اور ان کے حالات سے آگاہ ہونے کی ضرورت ہے۔
انہوں نے کہا کہ ہم کورونا کے پھیلاؤ کو روکنے اور لاک ڈاؤن کے مابین توازن قائم کرنے کیلئے کوشش کررہے ہیں، انہوں نے کہا کہ لوگ بھوک سے بھی نہ مریں اور معیشت بھی تباہ نہ ہو اس کیلئے اقداما ت کو یقینی بنایا جارہا ہے۔
مزید پڑھیں: فلائٹ آپریشن کی بندش سے سول ایوی ایشن اتھارٹی کو 3618 ملین روپے کا نقصان
وزیراعظم کا کہنا ہے کہ ہم نے تعلیمی اداروں ، مالز ، شادی ہالوں ، ریستوران اور دیگر جگہوں کو مقفل کردیا ہے جہاں عوامی اجتماعات ہوتے ہیں لیکن لاک ڈاؤن میں تباہی کو روکنے کے لئے ہم نے اپنے زرعی شعبے کو کھلا رکھا ہے اور اب ہم اپنے تعمیراتی شعبے کو کھول رہے ہیں۔
اس سے قبل جمعہ کے روز وزیر اعظم عمران خان نے تعمیراتی شعبے کے لئے امدادی پیکیج کا اعلان کیا تھا اور کہا تھا کہ لاک ڈاؤن اور معاشی سرگرمیوں کے مابین توازن برقرار رکھنا ضروری ہے۔
In the subcontinent, with a high rate of poverty, we are faced with the stark choice of having to balance between a lockdown necessary to slow down/prevent the spread of COVID19 & ensuring people don’t die of hunger & our economy doesn’t collapse. So we are walking a tightrope.
— Imran Khan (@ImranKhanPTI) April 4, 2020
