گوگل نیوز پر ہمیں فالو کریںاسلام آباد : موجودہ حکومت مؤثر طریقے سے مزدوروں ان کے حقوق کے تحفظ کے علاوہ محنت کشوں کی خوشحالی کے لئے بھرپور اقداما ت اٹھارہی ہے۔
صدر مملکت ڈاکٹر عارف علوی نے عالمی یوم کے موقع پر اپنے پیغام میں کہا ہے کہ ہم مزدوروں کی بہادری اور جدوجہد کو خراج تحسین پیش کرنے کے عزم کے ساتھ یوم مزدور منارہے ہیں۔
صدر مملکت نے کہا کہ یہ دن نہ صرف کارکنوں کی جدوجہد کی یاد دہانی ہے بلکہ قومی نمو اور ترقی میں ان کی شراکت کے اعتراف کا دن ہے۔
انہوں نے مزید کہا کہ ہمیں یقین ہے کہ مزدور اور آجر پیداوار کے عمل میں شراکت دار ہیں اور ان کا تعاون صنعتی کارکردگی اور ملک کی معاشرتی معاشی ترقی کے لئے ضروری ہے۔
صدر عارف علوی نے کہا کہ کورونا کے پھیلاؤ کی وجہ سے عالمی معیشت شدیدمندی کا شکار ہے جس کے نتیجے میں مزدور طبقے پر تباہ کن اثر پڑا ہے۔ کورونا نے پاکستان سمیت پوری دنیا میں لاکھوں افراد کو بے روزگار کردیا ہے۔
مزید پڑھیں: حکومت محنت کشوں کے حالات بہتر بنانے کیلئے پرعزم ہے،وزیر اعظم
