حکومت کورونا وائرس کی صورتحال پر کڑی نظر رکھے ہوئے ہے، شاہ محمودقریشی

ملتان: وزیر خارجہ شاہ محمود قریشی نے کہا ہے کہ وفاقی حکومت قومی اور بین الاقوامی سطح پر کورونا وائرس کی صورتحال پر کڑی نظر رکھے ہوئے ہے۔

یہ بیان آج ملتان میں کورونا وائرس پرکنٹرول کے لئے اٹھائے گئے اقدامات کا جائزہ لینے کے لئے اجلاس کے دوران سامنے آیا ، اجلاس کی صدارت شاہ محمودقریشی نے کی۔

وزیر خارجہ کا مزید کہنا تھا کہ وزیر اعظم عمران خان نے دو ذیلی کمیٹیاں تشکیل دی ہیں اور کورونا وائرس سے متعلق صورتحال کا جائزہ لینے کے لئے ایک سیل قائم کیا ہے۔

انہوں نے یہ بھی کہا کہ وفاقی حکومت اپنے قرض کو بین الاقوامی مالیاتی فنڈ ، ورلڈ بینک اور ایشین ڈویلپمنٹ بینک سے بحال کرنے کا ارادہ رکھتی ہے۔

مزید پڑھیں: کورونا کے وائرس کیسز میں اضافے کے بعد رائیونڈ کو قرنطینہ قرار دیدیا گیا

وزیر خارجہ نے مزید کہا کہ حکومت یورپی یونین ، جی 77، اور جی 22 ممالک کے وزرائے خارجہ سے رابطے میں ہے۔

ایران کا ذکر کرتے ہوئے انہوں نے کہا کہ پاکستان ایران پر عائد پابندیوں کے خاتمے میں اپنا مثبت کردار ادا کر رہا ہے کیونکہ ایران وسائل سے محرومی کے علاوہ وینٹی لیٹرز کی خریداری کرنے سے بھی قاصر ہے۔