ٹیکسٹائل صنعت کو دھچکا،حکومت نے بجلی کے بلز میں دی گئی رعایت ختم کردی

لاہور: ملک کی برآمدی ٹیکسٹائل کی صنعت کو دھچکا، جنوری 2020ء میں بجلی کے بلز میں دی گئی رعایت ختم، حکومتی نوٹیفکیشن جاری کردیا گیا۔

وزیراعظم عمران خان کے حکم پر برآمدات میں اضافے کیلئے بلز میں رعایت دی گئی تھی ،ٹیکسٹائل انڈسٹری کو اب 20 روپے فی یونٹ بل ادا کرنا ہوگا۔

مزید پڑھیں: صنعتکاربرادری نے فیول ایڈجسٹمنٹ چارجز مسترد کردیے، فیصلہ واپس لینے کا مطالبہ

رعایت کے بعد 11 روپے 70 پیسے فی یونٹ بل وصول کیا جارہا تھا۔بجلی کی قیمت میں کمی کے بعد ٹیکسٹائل برآمدات میں 36 فیصد اضافہ ہوا تھا۔

صنعتکاروں کا کہنا ہے کہ حکومت کے اس اقدام سے ٹیکسٹائل ملز بند ہونے کا خدشہ پیدا ہوگیا ہے۔مہنگی بجلی اور گیس کی لوڈشیڈنگ کی وجہ سے ملک میں صنعتوں کا پہیہ پہلے بھی بمشکل چل رہا ہے جبکہ اس اقدام سے مزید مشکلات پیدا ہوجائینگی۔