گوگل نیوز پر ہمیں فالو کریںکراچی: گورنر سندھ عمران اسماعیل نے صوبائی وزیرِ تعلیم و محنت سعید غنی سے ملاقات کے بعد خود کو 24 گھنٹوں کے لیے آئسولیٹ یعنی دنیا سے الگ تھلگ رکھنے کا فیصلہ کیا ہے۔
سماجی رابطے کی ویب سائٹ ٹوئٹر پرگزشتہ روز اپنے پیغام میں گورنر سندھ عمران اسماعیل نے کہا کہ وزیرِ تعلیم سعید غنی کے ٹیسٹ کا نتیجہ مثبت آنے کے بعد میں نے فیصلہ کیا ہے کہ 24 گھنٹوں کے لیے خود کو آئسولیٹ رکھوں کیونکہ میں نے ان سے ملاقات کی تھی۔
وزیرِ تعلیم سعید غنی سے ملاقات کے حوالے سے گورنر سندھ نے بتایا کہ کورونا وائرس کے حوالے سے ہم نے ملاقات کی۔ انہوں نے عوام کو کورونا وائرس کے خلاف حفاظتی اقدامات کی ہدایت بھی کی۔
After @SaeedGhani1 tested positive for corona, I have decided to isolate myself for 24 hrs pending results of my test, as I was in a meeting on corona with him in close proximity. Stay safe. Allah Kareem
— Imran Ismail (@ImranIsmailPTI) March 23, 2020
یاد رہے کہ اِس سے قبل وزیر تعلیم سندھ سعید غنی نے بھی کورونا وائرس کا ٹیسٹ کرایا جس کے بارے میں اُن کا کہنا تھا کہ میری رپورٹس مثبت آئی ہیں۔
سعید غنی نے گزشتہ روز کورونا وائرس کے حوالے سے اپنی رپورٹس مثبت آنے کے بعد شہریوں سے اپیل کی کہ وہ خود کو آئیسولیشن میں رکھیں اور کورونا وائرس سے محفوظ رہیں۔
مزید پڑھیں: وزیر تعلیم سندھ سعید غنی میں بھی کورونا وائرس کی تصدیق
