گوگل نیوز پر ہمیں فالو کریںکراچی : گورنر سندھ ڈاکٹر عمران اسماعیل کا کہنا ہے کہ کاروباری طبقے اور مل مالکان کے مسائل حل کرنا حکومت کی اولین ترجیحات میں شامل ہے۔ مسائل کو حل کرنے میں کوئی دقیقہ فروگذاشت نہیں کریں گے۔
گورنر ہاؤس میں سندھ انڈسٹریل رابطہ کمیٹی ( ایس آئی ایل سی ) کا ایک اعلیٰ سطح اجلاس گورنر عمران اسماعیل کی زیرصدارت ہوا۔ اجلاس میں وزیر اعظم کے معاونین خصوصی ندیم بابر اور تابش گوہر کی بذریعہ ویڈیو لنک خصوصی شرکت کی۔
اجلاس میں ایف پی سی سی آئی ، کے سی سی آئی ، سائٹ کراچی اور کراچی کی مختلف صنعتی ایسوسی ایشنز کے سینئر نمائندوں کے علاوہ زبیر موتی والا بھی شریک ہوئے۔
اجلاس میں کراچی میں صنعتوں کو گیس اور بجلی کی فراہمی سے متعلق امور پر تفصیلی تبادلہ خیال کیا گیا۔
اجلاس کو بتایا گیا کہ ایسے تمام انڈسٹریل یونٹس جو مطلوبہ منظور شدہ بجلی سے کم حاصل کررہے ہیں یا جن کے پاس بجلی ہے ہی نہیں ان میں بیشتر انڈسٹری کے کنیکشنز گزشتہ اجلاس کے فیصلے کے بعد بحال کر دیئے گئے ہیں۔
گورنر سندھ نے ہیسکو اور سیپکو کے حوالے سے سامنے آنے والے ایشوز کے خاتمہ کے لئے تمام وسائل بروئے کار لانے کی یقین دہانی کرائی۔
یہ بھی پڑھیں: پی ایس ایکس 100انڈیکس 183.93پوائنٹس کی کمی کے بعد 46ہزار 721.37پر بند
