گوگل نیوز پر ہمیں فالو کریںاسلام آباد: وزیرِ اعظم کے مشیر برائے تجارت و سرمایہ کاری عبدالرزاق داؤد نے کہا ہے کہ وفاقی حکومت مشکل کی اِس گھڑی میں مزدوروں کو تنہا نہیں چھوڑے گی۔
سماجی رابطے کی ویب سائٹ ٹوئٹر پر اپنے پیغام میں مشیرِ تجارت عبدالرزاق داؤد نے کہا کہ یومِ مزدور کے موقعے پر میں اپنے مزدور بھائیوں کو ایک یقین دہانی کرانا چاہتا ہوں۔
وزیرِ اعظم کے مشیر رزاق داؤد نے ملک میں کورونا وائرس کے باعث نافذ لاک ڈاؤن سے گھر پر بے روزگار بیٹھے مزدوروں کو پیغام دیتے ہوئے کہا کہ مزدور خود کو اکیلا نہ سمجھیں۔
مشیرِ تجارت و سرمایہ کاری نے کہا کہ حکومت مزدوروں کومشکل وقت میں تنہا نہیں چھوڑے گی جبکہ آپ کا تحفظ ہماری اوّلین ترجیح ہے۔
یوم مزدور کے موقع پر میں اپنے مزدور بھائیوں کو یہ یقین دہانی کرانا چاہتا ہوں کہ اس مشکل کی گھڑی میں حکومت آ پ کو تنہا نہیں چھوڑے گی۔ آ پ کا تحفظ ہماری اولین ترجیح ہے@pid_gov @ImranKhanPTI @aliya_hamza
— Abdul Razak Dawood (@razak_dawood) May 1, 2020
