گوگل نیوز پر ہمیں فالو کریںوزیر ریلوے حنیف عباسی نے ریلوے کے ذریعے سفر کرنے کے خواہش مند افراد کیلئے بڑی خوشخبری سنا دی۔
انہوں نے پریس کانفرنس کے دوران کراچی سے پشاور جانے والی خوشحال خان خٹک ایکسپریس کی بحالی کا اعلان کر دیا۔
وزیر ریلوے حنیف عباسی نے اس موقع پر گفتگو کرتے ہوئے کہا کہ خوشحال خان خٹک ایکسپریس کا پانچ سال بعد دوبارہ آغاز ہوگا، خوشحال خان خٹک ایکسپریس کو مارچ 2020 میں کورونا وائرس کے باعث بند کردیا گیا تھا۔
انہوں نے مزید کہا کہ اپریل 2025 کے آخر میں خوشحال خان خٹک ایکسپریس کو ایک بار پھر بحال کیا جائے گا۔
وزیر ریلوے حنیف عباسی نے کہا کہ خوشحال خان خٹک ایکسپریس ایک منافع بخش اور عوامی ٹرین ہے، کراچی سے پشاور کے درمیان کئی اہم شہروں کو آپس میں جوڑتی ہے۔
وزیر ریلوے نے کہا کہ کراچی، کوٹری، دادو، لاڑکانہ، جیکب آباد، کشمور، ڈی جی خان کا روٹ ہے، خوشحال خان خٹک ایکسپریس کو اپریل کے آخر میں بحال کیا جائے گا۔
