معروف گلوکار عاطف اسلم نے خاتون مداح کو سرپرائز کردیا

کراچی: پاکستان کے مشہور ومعروف گلوکار عاطف اسلم نے خاتون مداح کو سرپرائز کردیا۔

حال ہی میں عاطف اسلم کینیڈا میں اپنے کنسرٹ میں مصروف ہیں، جہاں پر ایک عجیب و غریب واقعہ پیش آیا جب کنسرٹ کے دوران ایک مداح گلوکار سے ملنے کیلئے پہنچتی ہے۔

گلوکار سے ملاقات کے بعد مداح سوشل میڈیا پر اپنا تجربہ شیئر کرتی ہے، مداح کے مطابق میں نے گلوکار کیساتھ 45 منٹ گزارے جو کہ بہت ہی بہترین تھے۔

یہ بھی پڑھیں: ‘ڈونٹ گو عامر بھائی’ کہ ٹرینڈ چلاؤ یا کچھ بھی، میں جارہا ہوں، عامر لیاقت

مداح کا کہنا تھا کہ عاطف اسلم سے ملاقات کے دوران میں باقاعدہ کانپ رہی تھی، جس پر گلوکار نے مجھ سے پوچھا تھا کہ کانپ کیوں رہی ہو؟ مداح کے مطابق میں اس ملاقات کے دوران رونے بھی لگی تھی جس پر گلوکار نے مجھے گلے لگا کر تسلی بھی  دی تھی۔

کینیڈا میں معروف گلوکار کے کنسرٹ کے دوران ملاقات کے حوالے سے مداح نے تجربہ شیئر کرتے ہوئے کہا گلوکار بہت ہی بہترین انسان ہیں۔

واضح رہے کہ گلوکار عاطف اسلم نے حال ہی میں اداکاری بھی شروع کی ہے، اُن کا پہلا ڈرامہ ‘سنگ ماہ’ ہم ٹی وی پر نشر کیا جارہا ہے، جس میں اُن کی اداکاری کو خوب سراہا جارہا ہے، ڈرامے میں عاطف اسلم کے علاوہ نعمان اعجاز اور ثانیہ سعید بھی شامل ہیں۔