گوگل نیوز پر ہمیں فالو کریںپاکستانی شوبز انڈسٹری کی معروف اداکارہ غناء علی نے کہا ہے کہ اگر پاکستانیوں کا بس چلے تو ہر تصویر پر فلٹر لگا کر گورے ہوجائیں۔
فوٹو شیئرنگ پلیٹ فارم انسٹا گرام پر اداکارہ غناء علی نے پاکستانی قوم کی اپنی رنگت کے متعلق حساسیت کو تنقید کا نشانہ بناتے ہوئے واضح کیا کہ ہر ایک کو گورا ہونے کا شوق لاحق ہے۔
اپنے انسٹا گرام پیغام میں اداکارہ غناء علی نے کہا کہ اگر پاکستانیوں کا بس چلے تو ہر تصویر پر شدید فلٹر لگا کر گورے ہوجائیں۔ میں امید کرتی ہوں کہ یہ رویہ جلد ختم ہوجائے گا۔
یہی نہیں، بلکہ اداکارہ غناء علی نے حقیقت اور توقعات کے تقابلی جائزے پرمزاحیہ انداز میں گفتگو کرتے ہوئے کہا کہ میرے شوہر ایک بار ڈانگری (بچوں کا لباس) لے آئے اور سوچا کہ مجھ پر بہت اچھا لگے گا، لیکن نتیجہ کچھ اور نکلا اور میں کچھ اور ہی لگنے لگ گئی۔
View this post on Instagram
ڈانگری پہن کر اپنی تصویر شیئر کرتے ہوئے اداکارہ نے کہا کہ شوہر کہتا ہے کہ آپ لباس پہنیں اور جب آپ پہنیں تو وہ کہتا ہے کہ اب آپ ایک پلمبر لگ رہی ہیں اور پھر آپ کو کچن کی طرف روانہ کردیا جاتا ہے۔
عموماً پاکستانی شوبز شخصیات کو مزاحیہ انداز میں گفتگو کرنے پر بھی سوشل میڈیا صارفین تنقید کا نشانہ بنانے سے باز نہیں آتے۔ قبل ازیں غناء علی کو کاروباری شخصیت عمیر گلزار سے شادی پر بھی تنقید کا نشانہ بنایا گیا تھا۔
وقت گزرنے کے ساتھ ساتھ غناء علی نے ناقدین کی گفتگو کا شگفتہ انداز میں جواب دینے کا خوبصورت طریقہ سیکھ لیا ہے۔ دوسری جانب متعدد سوشل میڈیا صارفین اداکارہ غناء علی کو شادی کی مبارکباد اور آئندہ زندگی کیلئے دُعاؤں سے نواز چکے ہیں۔
یہ بھی پڑھیں: حکومت نے متنازعہ فلم زندگی تماشا ریلیز کرنے کی اجازت دے دی
