گوگل نیوز پر ہمیں فالو کریںگھریلو صارفین کے لیے گیس کی قیمت میں 200 فیصد تک اضافہ ہونے کے باوجود ملک کے بیشتر علاقوں میں گیس ناپید ہوچکی ہے۔
ذرائع کے مطابق حکومت نے گیس کی قیمتوں میں یکم نومبر 2023 سے تقریباً 200 فیصد تک اضافہ کیا تھا۔
گیس کی قیمتوں میں حالیہ اضافے نے شہریوں کے بجٹ کو بری طرح متاثر کیا ہے۔اس اضافے کا اطلاق ہونے کے بعد اب صارفین بھاری گیس بلوں کے ساتھ اپنے دل بھی تھام رہے ہیں۔
صارفین کا کہنا ہے کہ گیس مہنگی ہونے کے باوجود آتی بھی نہیں ہے البتہ بھاری بھرکم بل ضرور آ جاتے ہیں۔پہلے بجلی کی قیمتوں نے زندگی مشکل کر رکھی ہے، اب رہی سہی کسر گیس کے بلوں نے پوری کر دی ہے۔
